ભારતીય રેલ્વેના દરેક હોર્નમાં કોઇ ને કોઇ સંકેત છૂપાયેલો હોય છે. જેની મદદથી ડ્રાઇવર, સ્ટેશન માસ્ટર અને ગાર્ડને કોઇ સંકેત આપે છે.
ટ્રેનમાં વાગે છે 13 પ્રકારના હોર્ન
દરેક હોર્ન પાછળ હોય છે કોઇ સંકેત
ડેન્જર વખતે વાગે છે આ પ્રકારનો હોર્ન
પૂર્વોત્તર રેલ્વેના લખનઉ મંડળના લોકો પાયલટ આશુતોષ કુમારે કહ્યું કે આ સંકેતોનું ખુબ મહત્વ છે. ટ્રેનિંગમાં તેમને શીખવાડવામાં આવે છે. હોર્નથી આપણે ગાર્ડને સચેત કરીએ છીએ.
એક વાર નાનો હોર્ન
જો ડ્રાઇવરે એક વાર હોર્ન વગાડ્યો છે તો તેનો મતલબ છે કે ટ્રેન જવા માટે તૈયાર છે.
બે વાર નાનો હોર્ન
ડ્રાઇવર બે વાર નાનો હોર્ન વગાડે છે તો ડ્રાઇવર ટ્રેન ચલાવવા માટે સિગ્નલ માગી રહ્યો છે.
ત્રણવાર નાનો હોર્ન
ટ્રેન ચલાવતી વખતે જો ત્રણ વાર નાનો હોર્ન વગાડી રહ્યો છે તો મતલબ ગાડી પોતાનું નિયંત્રણ ગુમાવી ચૂકી છે.
ચાર વાર નાનો હોર્ન
ટ્રેન ચાલતા ચાલતા અટકી જાય છે તો એન્જીનમાં ખરાબી છે અથવા દુર્ઘટનાને કારણે ટ્રેન આગળ જઇ શકે તેમ નથી.
એક લાંબુ અને એક ટુંકુ હોર્ન
ડ્રાઇવર જો આ પ્રકારનો હોર્ન વગાડે છે તો તેનો મતલબ છે કે ટ્રેન ચાલતા પહેલા બ્રેક પાઇપ સિસ્ટમ ચેક કરી લો.
બે લાંબં અને બો નાના હોર્ન
ચાલક દ્વારા જો આ પ્રકારે હોર્ન વગાડવામાં આવે છે તો ડ્રાઇવર ગાર્ડને એન્જીન પર બોલાવવાનો સંકેત આપે છે.
સતત લાંબો હોર્ન
જો ચાલક સતત લાંબો હોર્ન વગાડી રહ્યો છે તો તે રોકાયા વિના જ સ્ટેશનને પાર કરશે
પોઝ લઇને લાંબો હોર્ન
જો ડ્રાઇવર થોડી થોડી વારે લાંબો હોર્ન વગાડે છે તો ટ્રેન કોઇ રેલ્વે ક્રોસિંગને પાર કરી રહી છે અને લોકોને સતર્ક કરી રહી છે.
આ પ્રકારે બીજા પણ કેટલાક હોર્ન હોય છે જેના દ્વારા ડ્રાઇવર કેટલાક પ્રકારના સંકેત આપે છે.