શું ક્રિશ-4ને લઇ ઋત્વિક અને રાકેશ રોશન વચ્ચે મતભેદ ?

બોલીવુડ અભિનેતા ઋત્વિક રોશનની ઉમર 44 વર્ષની છે. જયારે તેના પિતા રાકેશ રોશનની ઉમર 68 વર્ષની છે. બાપ-દીકરાની વયમાં આશરે અઢી દાયકા જેટલો ગાળો હોવાથી જનરેશન ડિફરન્સ સર્જાવા સામાન્ય છે.

બંનેએ ઘણી ઉત્તમ ફિલ્મો સાથે આપી છે પરંતુ હવે તેમની વચ્ચે કોઈ ફિલ્મને લઈને સર્જનાત્મક મતભેદો સર્જાયા છે. કારકિર્દીની શરૂઆતના તબક્કામાં તો ઋત્વિક રાકેશ રોશનના સલાહ માનતો હતો પરંતુ હવે એણે પપ્પાની સલાહને માનવાનું બંધ કરી દીધું છે.

સૂત્રો દ્વારા મળતી માહિતી મુજબ તેઓ બંને હાલ ક્રિશ-4ની યોજના પર કામ કરી રહ્યા છે. જે 2020માં રીલિઝ થશે પરંતુ આ ફિલ્મની પાત્રવરણી તથા અન્ય પાસાઓની વાત આવે ત્યારે તે બંનેના વિચારો એકબીજાને બિલકુલ મળતા આવતા નથી. બંનેના અભિપ્રાયો પણ જુદા-જુદા છે. 

તાજેતરમાં બાપ-દીકરાએ સ્વીકાર્યું છે કે તેમની વચ્ચે મતભેદ છે. તે બંનેએ સાથે મળીને ઘણી ઉત્તમ ફિલ્મો આપી છે. જેમાં 'કહો ના પ્યાર હૈ ' કોઈ મિલ ગયા 'ક્રિશ-ટુ અને 'ક્રિશ-થ્રી' જેવી ફિલ્મોનો સમાવેશ થાય છે.