સામાન્ય રીતે લોકો ફિલ્મ જોવા માટે સારા સારા થિયેટરર્સમાં જતાં હોય છે. ઉપરાંત થિયેટર્સમાં જઇને મોંઘા સ્નેક્સ પણ ખાતા હોય છે. પરંતુ શું તમે જાણો છો કે આ મોંઘા સ્નેક્સ તમારા સ્વાસ્થ્યને નુકસાન પહોંચાડી શકે છે. જાણો આ સ્નેક્સથી શું થઇ શકે છે.
ફિલ્મ જોવાનો શોખ તમને પણ ખૂબ હશે એના માટે તમે થિયેટરમાં પણ જતા હશો. પરંતુ પોપકોર્ન અને સોફ્ટ ડ્રિંક વગર ફિલ્મ જોવાની મજા અધૂરી છે. પરંતુ શુ તમે જાણો છો કે થિયેટરમાં મળતી બર્ગર, પોપકોર્ન અને સોફ્ટ ડ્રિંક્સ કેટલા હાનિકારક છે. જણાવી દઇએ કે બે-ત્રણ કલાકની અંદર ભારે પ્રમાણમાં પોતાની કેલરી વધારી દે છે. ચલો તો જાણીએ એના માટે આ ચીજોથી શું થાય છે.
થિયેટરના સ્નેક્સ અને એમાં કેલેરીનું પ્રમાણ
2 વડાપાઉં અને સૉફ્ટ ડ્રિંક- 670 કેલરી
1 વેજ બર્ગર અને સોફ્ટ ડ્રિંક- 530 કેલરી
1 ચિકન સેન્ડવીચ અને સૉફ્ટ ડ્રિંક- 460 કેલરી
1 વેજ ગ્રીલ્ડ સેન્ડવિચ અને સૉફ્ટ ડ્રિંક- 450 કેલરી
2 સમોસા અને સૉફ્ટ ડ્રિંક- 440 કેલરી
પોટેટો ચિપ્સ અને સૉફ્ટ ડ્રિંક- 315 કેલરી
બટર પોપકોર્ન અને સૉફ્ટ ડ્રિંક- 320 કેલરી
કેરેમલ પોપકોર્ન અને સૉફ્ટ ડ્રિંક- 330 કેલરી
નાચોઝ અને આઇસ ટી- 405 કેલરી
ઉપર આપેલા આંકડાથી જાણવા મળે છે કે આ તમામ સ્નેક્સમાં કેલરીનું પ્રમાણ ઘરમાં ખવાતા સામાન્ય આહારથી વધારે છે. વાસ્તવમાં આ ચીજો તમે ભૂખ લાગ્યા વગર પણ એટલા માટે ખાવ છો કારણ કે એનાથી તમને ફિલ્મ જોવાની મજા બમણી થાય છે. પરંતુ ફિલ્મની મજા તમારી કેલેરી ઝડપથી વધારવામાં પૂરું યોગદાન આપે છે. આ સેન્ક્સથી બચવાનો ઉપાય છે:
ફિલ્મ પહેલા કંઇક ખઇને જાવ
ફિલ્મ જોવા જાવ તે પહેલા તમે ફળોનો ચાટ, ચણા ચાટ, ઘરમાં બનાવેલો સૂપ ખાઇ શકો છો. એનાથી તમને ભૂખ લાગશે નહીં અને તમે અનહેલ્ધી સ્નેક્સ ખાવાથી બચી શકો છો.
સ્નેક્સ શેર કરો
ફિલ્મ જોતી વખતે જો તમે પોપકોર્નનું ટબ લીધું છે, તો તમે આપસમાં શેર કરી શકો છો. શેર કરવાથી તમે કેલેરીની ઓછી ખપત કરી શકશો. જો તમારી સાથે શેરિંગ માટે પાર્ટનર નથી તો તમે નાનું પેકેટ લઇ શકો છો.
સૉફ્ટ ડ્રિંકથી બચો
થિયેટરોમાં સૉફ્ટ ડ્રિંક, આઇસ ટી અને બોટર જ્યુસ વગેરે પીવાથી બચો. એમનાં ભાર પ્રમાણમાં ખાંડ હોય છે. એની જગ્યાએ તમે ડ્રિંકિંગ વોટર અને ફ્રેશ જ્યુસ લઇ શકો છો.