કોરોના મહામારી ના કારણે દેશભરમાં છેલ્લા બે મહિનાથી ચાલી રહેલા લોકડાઉનના પગલે હાલપૂર્તિ થોડી ફેકટરીઓ ,ઉદ્યોગો કે અન્ય બજારો ચાલુ થાય છે પરંતુ પિક્ચર જોવાના રસિયાઓ ને હજુ પણ થિયેટર કે મલ્ટીપ્લેક્સ માં આરામથી સીટ પર બેસીને મોટા પરદા પાર તેમની મનપસંદ ફિલ્મો જોવા જવા માટે એક મહિનાથી પણ વધુ સમયની રાહ જોવો પડે તેવી શક્યતા છે
ઓનલાઇન બુકીંગ પર ભાર મુકાશે
દરેક વ્યક્તિને ડીસ ઈનફેક્ટ કરાશે
1લી જૂનથી લોકડાઉનના અમલમાં હજુ વધુ છુટછાટ જાહેર થવાની શક્યતા છે, પરંતુ તેમાં મલ્ટીપ્લેક્સ ખોલવામાં આવે તેવી શક્યતા નથી આ અંગે મલ્ટીપ્લેક્સ એસોસિએશનના પ્રમુખ મનુભાઈ પટેલે જણાવ્યું હતું કે લોકો મલ્ટીપ્લેક્સમાં ફિલ્મ જોવાનું માણી શકે તેવી હાલમાં તો કોઈ શક્યતા નથી. હજુ પણ ફિલ્મ રસિયાઓએ થિયેટરમાં ફિલ્મ જોવા માટે એક થી દોઢ મહિનો રાહ જોવી પડે તેવી શક્યતા છે.
લોકડાઉનના કારણે ફિલ્મ ઈન્ડસ્ટ્રીને ખૂબ નુકસાન થયું છે. હવે બોલિવુડની કોશિશ છે કે, લોકડાઉન ખુલ્યા પછી ઓછામાં ઓછું નુકસાન થાય અને જે ફિલ્મો લાઈનમાં છે તેને સમયસર રિલીઝ કરી શકાય. એવામાં મલ્ટીપ્લેક્સ અસોસિએશન ઓફ ઈન્ડિયાએ સિનેમ હોલ્સ માટે એક ફુલપ્રુફ પ્લાન તૈયાર કર્યો છે. આ પ્લાનને બ્રોડકાસ્ટિંગ મિનિસ્ટ્રી સહિત તમામ રાજ્યોની સરકારોને મોકલવામાં આવ્યો છે.
હમણાં ગુજરાતમાં મલ્ટીપ્લેક્સ ખુલે તેવી શક્યતા નહિવત્
પરંતુ રાજ્ય સરકાર આ મુદ્દે કોરોનના સંક્રમણની પરિસ્થિતિ અનુસાર નિર્ણય લેશે જે રીતે ગુજરાતમાં કોરોનાનો ફેલાવો વધી રહ્યો રહ્યો છે તે જોતા હમણાં ગુજરાતમાં મલ્ટીપ્લેક્સ ખુલશે નહિ. જો કે જયારે પણ થિયેટરો ખોલવામાં આવે ત્યારે તેના માટેની ગાઇડલાઇન શું હોઈ શકે તેના માટેની ચર્ચા વિચારણા શરૂ કરી દેવામાં આવી છે.