ખરાબ જીવનશૈલી એટલે શરીર બની જાય છે રોગોનુ ઘર, ત્યારે કેટલાક રોગો શરીરમાં પ્રવેશે તો શરીરમાં જોવા મળે છે ફેરફાર, આ પ્રમાણે કોલેસ્ટ્રોલને પણ ઓળખી શકાય છે
શરીરમાં વધે છે કોલેસ્ટ્રોલનું પ્રમાણ
કેવી રીતે ખબર પડે કે વધ્યુ કોલેસ્ટ્રોલ
કઠોળ ખાવાથી થાય છે ફાયદો
આજની જીવનશૈલી બગડી રહી છે. દિવસભરના તણાવને કારણે લોકોને પોતાના માટે હેલ્ધી ફૂડ બનાવવાનો સમય નથી મળતો. આ તમારા કોલેસ્ટ્રોલ સહિત હૃદય રોગના સ્ટ્રોકનું જોખમ વધારી શકે છે. તેમજ કોલેસ્ટ્રોલનું સ્તર વધવાથી લોકોમાં સ્થૂળતા અને હાઈ બ્લડ પ્રેશરનું જોખમ પણ વધે છે. બીજી બાજુ, જ્યારે કોલેસ્ટ્રોલ વધે છે, આજકાલ બીપી, ડાયાબિટીસ, કોલેસ્ટ્રોલ જેવી સમસ્યાઓ વધી ગઇ છે. તેમાં પણ ખાસ મોટાભાગના લોકો કોલેસ્ટ્રોલના વધતા સ્તરની સમસ્યાથી પરેશાન છે.
કોલેસ્ટ્રોલને કારણે વધે છે બીપી
કોલેસ્ટ્રોલ વધવાને કારણે લોહીના પ્રવાહમાં ઘટાડો થાય છે અને બ્લડ પ્રેશરનું જોખમ રહેલું છે. આટલું જ નહીં હજાર પ્રકારના હૃદયરોગ, સ્ટ્રોક અને હાર્ટ એટેક આવવાની શક્યતાઓ પણ વધી જાય છે. કોલેસ્ટ્રોલએ લોહીમાં હાજર મીણ જેવો પદાર્થ છે. જ્યારે કોલેસ્ટ્રોલનું પ્રમાણ વધે છે, ત્યારે તે લોહીમાં ચોંટી જાય છે અને રક્તવાહિનીઓને અવરોધે છે. ત્યારે આવો જાણીએ શરીરમાં કોલેસ્ટ્રોલ વધે તો કેવી રીતે ખબર પડે.
કોલેસ્ટ્રોલ વધવાના આ લક્ષણો
કોલેસ્ટ્રોલ વધવાથી શરીરમાં થાક, નબળાઈ વગેરે થાય છે. કેટલીકવાર આંખોની આસપાસ પીળાશ દેખાય છે. જે આંખોની નજીક કોલેસ્ટ્રોલના સંચયને કારણે થાય છે. ઘણી વખત એવું પણ બને છે કે કોલેસ્ટ્રોલ લેવલ વધવાથી આંખોની નસોમાં બ્લોકેજ આવી જાય છે. આ સ્થિતિને બિલકુલ અવગણવી જોઈએ નહીં અને તરત જ ડૉક્ટરની સલાહ લેવી જોઇએ.
કઠોળ છે ગુણકારી
એવા ઘણા ફૂડ્સ છે જેને ખાવાથી તમારું વધેલું કોલેસ્ટ્રોલ ઓછું થઈ જશે. જર્નલ ઑફ ન્યુટ્રિશનમાં પ્રકાશિત થયેલા એક અભ્યાસ અનુસાર, એવું જાણવા મળ્યું છે કે કઠોળ ખાવાથી કોલેસ્ટ્રોલમાં રાહત મળી શકે છે. જો તમે દરરોજ 180 ગ્રામ વિવિધ પ્રકારના કઠોળ ખાઓ છો, તો તમે તમારા કોલેસ્ટ્રોલના સ્તરને વધતા રોકી શકો છો. કઠોળમાં ફાઈબરનું પ્રમાણ ખૂબ વધારે હોય છે, જે તમારા શરીરના વધેલા કોલેસ્ટ્રોલને ઘટાડવામાં મદદ કરે છે.