અમદાવાદમાં આવેલા સાબરમતી રિવરફ્રન્ટ ખાતે મંગળવારે એક વિચિત્ર ઘટના બની. રિવરફ્રન્ટ બેઠેલી એક યુવતી રડતી હતી. જે જોઇને રિવરફ્રન્ટ પર દોડધામ મચી ગઈ હતી. પણ હકકીતનો ખ્યાલ આવતાં પોલીસે રાહતનાં શ્વાસ લીધો હતો.
યુવતીને ગેંગ રેપ કરશે તેવું લાગતાં રિવરફ્રન્ટ પર દોડધામ મચી ગઇ હતી
યુવતી તેના એક મિત્રની રાહ જોઇ રિવરફ્રન્ટ પર બેઠી હતી
ગેરમસજથી આવું થયાનું જણાતાં પોલીસે પણ રાહતનો શ્વાસ લીધો હતો
સાબરમતી રિવરફ્રન્ટ પર મંગળવારની રાતે એક એવી ઘટના બની કે પોલીસ દોડતી થઇ ગઈ હતી. રિવરફ્રન્ટ પર બેસેલ એકલી યુવતી રડતી અને આપઘાત કરશે તેવું હોવાનું લાગતાં દસ યુવકો તેમની પાસે ગયા તો યુવતીને ગેંગ રેપ કરશે તેવું લાગતાં રિવરફ્રન્ટ પર દોડધામ મચી ગઇ હતી.
બે દિવસ પહેલાં મંગળવારની સાંજે એક યુવતી તેના એક મિત્રની રાહ જોઇ રિવરફ્રન્ટ પર બેઠી હતી. યુવક મિત્ર ન આવતાં આ યુવતી રડવા જેવી થઈ ગઈ હતી અને તેની નજીકમાં દસ જેટલા યુવા મિત્રોનું એક જૂથ બેઠું હતું. યુવતી નદીની પારે જે રીતે બેઠી હતી અને તેના મોઢા પરના હાવભાવ જોઈ જાણે એ આપઘાત કરશે તેવું આ યુવકોએ વિચાર્યું હતું.
અચાનક જ આ યુવકો તેની પાસે એકસાથે ગયા હતા ત્યારે રિવરફ્રન્ટ પર દોડધામ મચી હતી આ સમયે કોઈએ પોલીસને જાણ કરી હોય કે પછી પેટ્રોલિંગમાં રહેલી પોલીસને ખબર પડી હોય તેમ પોલીસ ઘટનાસ્થળે આવી પહોંચી હતી. ત્યારબાદ યુવતી અને તમામ યુવકોને પોલીસ સ્ટેશનમાં લાવવામાં આવ્યા હતા. અહીં બંને પક્ષને સામસામે બેસાડી હકીકત જાણતાં પોલીસને નવાઈ લાગી હતી. બીજી તરફ ગેરમસજથી આવું થયાનું જણાતાં પોલીસે પણ રાહતનો શ્વાસ લીધો હતો.