ભારતીય સેના અને વાયુસેનાના સંયુક્ત ઓપરેશન બાદ ટ્રેકિંગ દરમિયાન લપસ્યા બાદ બે પહાડો વચ્ચે ફસાયેલા યુવકને બચાવી લેવામાં આવ્યો છે.
સેનાએ બચાવ કામગીરી હાથ ધરી હતી
બે પહાડો વચ્ચે ફસાયેલા યુવકને બચાવ્યો
યુવકને સીધો હોસ્પિટલ લઈ જવાયો
#WATCH | Babu, the youth trapped in a steep gorge in Malampuzha mountains in Palakkad Kerala has now been rescued. Teams of the Indian Army had undertaken the rescue operation.
કેરળમાં પહાડો વચ્ચે ફસાયેલા યુવકને સુરક્ષિત રીતે બચાવી લેવાયો
કેરળમાં ત્રણ દિવસથી પહાડો વચ્ચે ફસાયેલા એક યુવકને સુરક્ષિત રીતે બહાર કાઢવામાં આવ્યો છે અને તેને સીધો હોસ્પિટલ લઈ જવામાં આવ્યો છે. ભારતીય સેના અને વાયુસેનાના સંયુક્ત ઓપરેશન બાદ યુવકને દોરડાની મદદથી ઉપર ખેંચવામાં આવ્યો હતો, જે બે પહાડોની વચ્ચે ફસાઈ ગયો હતો.
કેવી રીતે યુવક પહાડોની વચ્ચે ફસાઈ ગયો
3 દિવસ પહેલા કેરળમાં ટ્રેકિંગ પર ગયેલા આર બાબુ નામના યુવકનો પગ લપસી જતાં તે બે ટેકરીઓ વચ્ચે ફસાઈ ગયો હતો. જે બાદ બાબુએ પોતે નીચે રાહ જોઈ રહેલા લોકોને આ અકસ્માતની જાણ કરી હતી. કેરળના પલક્કડ જિલ્લામાં ટ્રેકિંગ પર ગયેલા બાબુ પહાડીમાં એવી રીતે ફસાઈ ગયો કે આ ઘટના જીવનભર ભૂલી શકશે નહીં.
Teams of the Indian Army have undertaken a rescue operation to extricate a person stuck in a steep gorge in Malampuzha mountains, Palakkad Kerala. Teams have been mobilised overnight and rescue operations are under progress: Indian Army pic.twitter.com/V8xzF7qcbE
આર બાબુ બે પહાડો વચ્ચે ફસાઈ ગયા પછી, તેના સહયોગીઓએ પહેલા તેને બચાવવાનો પ્રયાસ કર્યો, પરંતુ જ્યારે તેઓ સફળ ન થયા, ત્યારે તેઓએ સ્થાનિક વહીવટીતંત્રને જાણ કરી. સોમવાર રાત સુધી સફળતા ન મળ્યા બાદ મંગળવારે ફરી પ્રયાસો હાથ ધરાયા હતા પરંતુ સફળતા મળી ન હતી. ત્યારે બુધવારે ભારતીય સેના અને વાયુસેનાના સંયુક્ત ઓપરેશન બાદ યુવકને દોરડાની મદદથી ઉપર ખેંચવામાં આવ્યો હતો, જે બે ટેકરીઓ વચ્ચે ફસાઈ ગયો હતો.
મુખ્યમંત્રીએ સેનાની મદદ માંગી
કેરલના મુખ્યમંત્રી પિનરાઈ વિજયને પણ આ મામલે દરમિયાનગીરી કરી યુવાનોને બચાવવા માટે ભારતીય સેનાની મદદ માંગી હતી. આ પછી બેંગ્લોરથી એરફોર્સ અને આર્મી મદદ માટે પહોંચ્યા.