છત્તીસગઢના દુર્ગ કલેક્ટરે લોકોની સમસ્યાના સમાધાન માટે જનતા દરબાર લગાવ્યો હતો. જેમાં કોઈ જમીન, પાણી-વિજળી, રસ્તાની ફરિયાદ લઈને ત્યાં પહોંચ્યા હતા. આ સમસ્યાની વચ્ચે એક યુવક વિચિત્ર અરજી લઈને પહોંચ્યો હતો.
કલેક્ટર પાસે અરજી લઈ પહોંચ્યો યુવક
લગ્ન કરાવી આપવા કહ્યું
સારી કન્યા શોધી લાવજો
છત્તીસગઢના દુર્ગ કલેક્ટરે લોકોની સમસ્યાના સમાધાન માટે જનતા દરબાર લગાવ્યો હતો. જેમાં કોઈ જમીન, પાણી-વિજળી, રસ્તાની ફરિયાદ લઈને ત્યાં પહોંચ્યા હતા. આ સમસ્યાની વચ્ચે એક યુવક વિચિત્ર અરજી લઈને પહોંચ્યો હતો. જેની અરજી જોઈને અધિકારીઓ પણ મુશ્કેલીમાં મુકાઈ ગયા હતા.
અરજી જોઈ અધિકારીઓ હસવા લાગ્યા
આ યુવક કલેક્ટર પાસે પોતાની અરજી લઈને પહોંચ્યો હતો. કલેક્ટરે તેની અરજી સ્વિકારી લીધી, અને અધિકારીઓ પણ તેને જોઈને હસવા લાગ્યા હતા, હકીકતમાં જોઈએ તો, યુવકે અરજી કરી હતી કે, કોઈ સારી એવી કન્યા શોધી મારા લગ્ન કરાવી આપો.
દરેક જિલ્લામાં લાગે છે જનતા દરબાર
છત્તીસગઢના તમામ જિલ્લા કલેક્ટરોને સરકારે આદેશ આપ્યા છે કે અઠવાડીયામાં એક વખત જનતા દરબાર લગાવી લોકોની સમસ્યાનું સમાધાન કરવામા આવે. જે અંતર્ગત દુર્ગ જિલ્લામાં પણ સોમવાર તથા મંગળવારના રોજ કલેક્ટરે જનતા દરબાર લગાવ્યો હતો. જેમાં 15 ફેબ્રુઆરીએ એક યુવક પોતાની સમસ્યાને લઈને કલેક્ટર પાસે પહોંચ્યો હતો. અધિકારીઓએ યુવકને પૂછ્યું શું સમસ્યા છે. તો તેણે કહ્યું મારી સમસ્યા બહું મોટી છે. અને તે ડાયરેક્ટ કલેક્ટરને અરજી આપવા માગે છે. ત્યાર બાદ તેને કલેક્ટર પાસે લઈ જવામાં આવ્યો.
કન્યાની જોઈ રહ્યો છે રાહ
યુવકે ડાયરેક્ટ કલેક્ટર ડો. સર્વેશ્વર નરેન્દ્ર ભુરે પાસે લઈ જવામા આવ્યો. યુવકે કલેક્ટરને અરજી આપી અને બોલ્યો સાહેબ મારા લગ્ન કરાવી દો. લાંબા સમયથી લગ્નની રાહ જોઈ રહ્યો છું, પણ લગન થતાં જ નથી. જેના પર કલેક્ટર પણ હસવા લાગ્યા. બાદમાં કલેક્ટરે અધિકારીઓને અરજી આપતા કહ્યું કે, સરકારની સમુહ વિવાહ યોજના અંતર્ગત આ યુવકના લગ્ન કરાવી આપો. તો અધિકારીઓએ યુવકને પૂછ્યું કે, બોલો લગ્ન તો કરાવી આપીશું તો કન્યા કોણ છે ? જે સાંભળી યુવક કલેક્ટરની સામે જોઈ બોલ્યો, સાહેબ તમે જ કોઈ સારી એવી કન્યા શોધી મારા લગ્ન કરાવી આપો. કલેક્ટરે જણાવ્યું હતું કે, જનતા દરબાર રાખવાના કારણે લોકોની આશાઓ વધી છે. સૌની સમસ્યાને હલ કરવાનો અમે પ્રયાસ કરી રહ્યા છીએ.