હત્યા / સુરતમાં બહેન સાથે પડોશીઓ કરતાં હતા આવું, ભાઈ વચ્ચે આવ્યો તો કર્યું એવું કે જાણીને હેબતાઈ જશો

• સુરતના સચિન વિસ્તારમાં યુવકની હત્યા
• ઝઘડાનું સમાધાન કરવા ગયેલા યુવકની હત્યા
• સચિન પોલીસે ગુનો નોંધ્યો

સુરતના સચિન વિસ્તારમાં યુવકની નિર્મમ હત્યાની કરી દેવાની ઘટના સામે આવી છે, બહેન સાથે ઝગડો કરનાર પાડોશીઓને સમજાવવા જતા યુવકની છરીના એક બે નહી ત્રણ ઘા ઝિંકીને મોતને ઘાટ ઉતારી દેવામાં આવ્યો હતો એટલું જ નહીં પિંતરાઈ ભાઈ ઉપર પણ છરી વડે હુમલો કરવામાં આવ્યો, જેમાં તે ગંભીર રીતે ઈજાગ્રસ્ત થયો હતો. 

સુરતના સચિન વિસ્તારમાં યુવકની હત્યા

મહત્વનુ છે કે સુરતમાં દિવસે દિવસે ક્રાઈમ રેટમાં વધારો થઈ રહ્યો છે હત્યા, ચોરી લૂંટફાટ જેવા બનાવો અવાર નવાર બનતા હવે સુરત શહેર ક્રાઈમનું હબ બનવા લાગ્યું છે એવામાં યુવકની કર્પીણ હત્યા કરી દેવાની ઘટનાએ સુરતના ક્રાઈમ રેટમાં વધારો કર્યો છે. 

ઝઘડાનું સમાધાન કરવા ગયેલા યુવકની હત્યા

સુરતમાં સચિન વિસ્તારમાં આવેલી સાઈનાથ સોસાયટીમાં હત્યાથી ચકચાર મચી ગયો છે વતન યુપીથી પરત ફરેલી બહેન સાથે ઝગડો કરનાર પાડોશીને સમજાવવા જતા પાડોશી ઉશ્કેરાયો હતો અને આવેશમાં આવીને છરી વડે હુમલો કરી તેને મોતને ઘાટ ઉતારી દીધો હતો, સાથે ઝગડાની વચ્ચે પડેલા અન્ય એક પિતારાઈ ભાઈ ઉપર પણ હુમલા કરાતા તેને પણ ગંભીર ઈજા પહોંચી છે જો કે તેને તાત્કાલિક સારવાર અર્થે ખસેડવામાં આવ્યો હતો. 

પોલીસે ગુનો નોંધી આરોપીને શોધવા તજવીજ હાથ ધરી 

ઘટના જાણ થતા તુરંત પોલીસ ઘટના સ્થળે આવી પહોંચી હતી જે બાદ તપાસનો ધમધમાટ શરૂ કરતા પોલીસ મૃતદેહનો કબ્જે મેળવી તેને પીએમ અર્થે મોકલી આપ્યો હતો જ્યારે આરોપી પાડોશી ફરાર થઈ જતા તેને પણ શોધવા માટે તજવીજ હાથ ધરી છે. પોલીસે હત્યામાં ઉપયોગ લેવામાં આવેલી છરી અને અન્યા સાક્ષીઓના નિવેદન નોંધી આગળની કાર્યવાહી હાથ ધરી છે.