સોશિયલ મીડિયામાં વીડિયો બનાવવાનું આ યુવકને ભારે પડ્યું. વીડિયો બનાવવા યુવકે એવું કૃત્ય છેલ્લાં કેટલાય મહિનાઓથી કરતો હતો. જોકે અત્યાર સુધી કોઈ ફરિયાદ આવી નહોતી, પણ આ વખતે વીડિયો બનાવવા તેણે કરેલું કૃત્ય તેને જેલ પાછળ ધકેલી દીધો.
હોસ્ટેલની યુવતીઓને એકલી જોઈ યુવકોનું ગ્રુપ આ રીતે બનાવતા હતા વીડિયો
અજાણ્યા યુવકે યુવતી પર વિગ ફેંકી પ્રેન્ક કરી તેનો વીડિયો બનાવતા ઝડપાયો
યુવકનો મોબાઈલ જોતા તેઓ અજાણી યુવતીઓનો વીડિયો બનાવી યુ ટુર્બ પર મુકતા હોવાની પોલ ખુલી
અજાણ્યાં યુવકે આ રીતે યુવતીનું ધ્યાન ખેંચ્યું
19 વર્ષીય કાવ્યા ગાંધીનગરમાં સેક્ટર 27 માં એક હોસ્ટેલમાં રહીને અભ્યાસ કરતી હતી. તેને એક ઝેરોક્ષ કરાવવી હોવાથી તે હોસ્ટેલની બહાર આવી હતી. તે ઝેરોક્ષ કરવા જઈ રહી હતી. આ દરમિયાન એક યુવકે તેને પોલીસ સ્ટેશનનું સરનામું પુછતાં તેણે સરનામુ બતાવ્યું હતું.
યુવકી આ હરકતથી યુવતી ડરી ગઈ
આ યુવક ચાલતા ચાલતાં આગળ ગયો હતો. એ બાદ તે પાછો આવ્યો હતો અને અચાનક તેણે માથાની વિગ યુવતીનાં મોંઢા પર ફેંકી દીધી હતી. જેને પગલે યુવતીએ બુમા બુમ કરતા આસપાસ કહેલા બોય્સ હોસ્ટેલમાં રહેતાં યુવકો તેની મદદે દોડી આવ્યાં હતાં. તેમજ આ હરકત કરનાર યુવક ભાગે તે પહેલાં તેને પકડી લેવામાં આવ્યો હતો.
યુવક સહિત તેનાં મિત્રોનું ટોળુ આ રીતે યુવતીઓનાં વીડિયો બનાવતું હતું
ગભરાયેલી કાવ્યાએ મહિલા હેલ્પલાઈન 181ની મદદ માંગી હતી. જેને પગલે હેલ્પલાઈનનાં કાઉન્સિલર દિપીકા બહેન ત્યાં પહોંચી ગયાં તેણે યુવકની પુછપરછ કરતા યુવકે પોતાનું નામ પાર્થ અને ઉંમર 21 જણાવી હતી. તેણે એમ પણ જણાવ્યું હતું કે તે અને તેનાં મિત્રોનું ટોળું વીડિયો બનાવવા માટે આમ કરે છે. તેના મિત્રો આવી રીતે અજાણી યુવતીઓનાં ટોળા પર વિગ ફેંકી તેનાં વીડિયો બનાવતાં હોઈએ છીએ એ પછી તેને યુ ટુર્બ પર મુકીએ છીએ.
યુવકને પોલીસ સ્ટેશને લઈ જવાયો
મહિલા હેલ્પલાઈન 181નાં કાઉન્સિલરે જ્યારે પાર્થનો મોબાઈલ ચેક કર્યો તો તેમાંથી અનેક યુવતીઓ સાથે આ પ્રકારનું પ્રેન્ક કરી બનાવેલા વીડિયો મળી આવ્યાં હતાં. અંતે કાવ્યાએ આ યુવકને માફ ન કરી સબક શીખવવા માટે પોલીસ સ્ટેશનમાં ફરિયાદ કરી હતી. પોલીસે તેની સામે ગુનો નોંધી તપાસ હાથ ધરી હતી.
((પાત્રોના નામ બદલેલ છે.)
સ્ટોર : ધર્મિષ્ઠા પટેલ, અમદાવાદ