પરણિત બે મહિલાઓને એક બીજાના પતિ સાથે પ્રેમ થઈ ગયો અને પ્રેમ એટલો ઉંડો કે બન્નેએ લગ્ન પણ કરી લીધા. એક કપલે તો લગ્નનો વીડિયો પણ સોશિયલ મીડિયામાં શેર કર્યો છે. બન્ને પતિઓએ મહિલાની સાથે આવેલા બાળકોને પણ અપનાવી લીધા છે.
સોશિયલ મીડિયા પર વાયરલ થઈ અજીબ ઘટના
મહિલાઓને એક બીજાના પતિ સાથે થયો પ્રેમ
પછી જે થયું તે સાંભળી ઉડી જશે હોંશ
બિહારના ખગડિયામાં અજબ પ્રેમની ગજબ કહાની સાંભળવા મળી છે. આ અનોખી લવ સ્ટોરીમાં બે પરણિત મહિલાઓને એક બીજાના પતિ સાથે પ્રેમ થઈ ગયો અને પ્રેમ એટલો આગળ વધી ગયો કે બંન્નેએ લગ્ન પણ કરી લીધા. એક કપલે લગ્નનો વીડિયો પણ સોશિયલ મીડિયા પર શેર કર્યો છે. બન્ને પતિઓએ મહિલાની સાથે આવેલા બાળકોને પણ અપનાવી લીધા છે.
જાણો શું છે સમગ્ર ઘટના
આખો મામલો બે પરિવાર સાથે જોડાયેલો છે. ચૌથમના હરદિયા ગામના નીરજ કુમાર સિંહના લગ્ન 2009માં પસરાહા ગામની રૂબી દેવી સાથે થયા હતા. આ વચ્ચે નીરજને 4 બાળકો પણ થયા.
રૂબી દેવીને તેમના પીયર પસરાહા ગામના યુવક મુકેશ કુમાર સિંહ સાથે પ્રેમ થઈ ગયો. મુકેશ પણ પરણિત હતા. યોગાનુયોગ મુકેશની પત્નીનું નામ પણ રૂબી દેવી હતું.
મુકેશની સાથે ભાગી નીરજની પત્ની
આ વચ્ચે ગયા વર્ષે એટલે કે 2022ની 6 ફેબ્રુઆરીએ નીરજની પત્ની રૂબી દેવી પોતાના પ્રેમી મુકેશ કુમાર સિંહની સાથે ફરાર થઈ ગઈ. સાથે જ બે દિકરા અને એક દિકરીને પણ પોતાની સાથે લઈને ગઈ અને બંન્નેએ લગ્ન કરી લીધા.
આ વચ્ચે નીરજ સિંહની પાસે એક પુત્રી હતી. આ બાજુ નીરજ એકલો હતો અને બીજી બાજુ મુકેસની પત્ની રૂબી દેવી પણ એકલા રહેવા લાગ્યા.
નીરજે કરી લીધા મુકેશની પત્ની સાથે લગ્ન
આ ક્રમમાં નીરજને રૂબી દેવીનો ફોન નંબર મળ્યો હતો. પછી નીરજ કુમાર સિંહ અને રૂબી દેવીની વચ્ચે વાતો થવા લાગી. ત્યાર બાદ બન્ને વચ્ચે પ્રેમ થઈ ગયો. પછી શું? આજ મહિનાની 11 તારીખે નીરજ અને રૂબી દેવી ઘરમાંથી ભાગી ગયા.
18 ફેબ્રુઆરીએ બન્નેએ કોર્ટમેરેજ કરી લીઘા. મુકેશના બન્ને બાળકોને પણ નીરજે અપનાવી લીધા. જણાવવામાં આવી રહ્યું છે કે બન્ને કપલ પોત પોતાના બાળકોની સાથે મધ્યપ્રદેશના અલગ અલગ શહેરોમાં રહી રહ્યા છે.