પહેલ / યુવકને સેક્સ વર્કર સાથે થયો પ્રેમ, આ માટે યુવતી સાથે લગ્ન કર્યા

• સેક્સ વર્કર સાથે યુવકે લગ્ન કર્યા
• 18 વર્ષની ઉંમરમાં જબરદસ્તીથી વૈશ્યાલયમાં ધકેલવામાં આવી હતી
• નાની ઉંમરમાં જ પિતાનું અવસાન થયું હતું

કલકતાની એક યુવતીને ન ઈચ્છતા પણ દેહવ્યાપારમાં મોકલવામાં આવી હતી. પણ આ યુવતીને એવો પ્રેમ મળ્યો કે તેમનો પ્રેમી તેમને ખુબ જ પ્રેમ તો કરતો હતો પણ તેમનો ભૂતકાળ ભુલાવી તેમની સાથે લગ્નના બંધનમાં બંધાયો અને બંને હાલ સુખી દામ્પત્ય જીવન વિતાવી રહ્યાં છે. એક NGOએ તેમને દેહવ્યાપારના ધંધામાંથી બચાવીને બહાર કાઢી અને આટલું જ નહી તેમનું બદલી સુલેખા રાખ્યું. અને સુલેખાને આશા હતી કે તે આઝાદ થઈ શકે અને નવી જિંદગી શરુ કરી શકે.

15 વર્ષની હતી ત્યારે તેમના દાદીએ તેમને ઘર બહાર કાઢી મૂકી હતી

જણાવી દઈએ કે સુલેખા અને તેમનું પરિવાર હલ્દીયામાં રહે છે. જ્યાં તે પોતાનું ગુજરાન ચલાવવા માટે ભાત વેચતાં હતા. સુલેખા માત્ર 15 વર્ષની હતી ત્યારે તેમના દાદીએ તેમને ઘર બહાર કાઢી મૂકી હતી. તેમના પિતાનું સુલેખા નાની હતી ત્યારે મૃત્યુ થયું હતું. અને તેમની માતા તેમના પર થયેલા અત્યાચારને રોકી ન શકી.

2 વ્યક્તિ મારી પાસે આવી અને કહ્યું એક ઘરમાં કામ કરવાનું  છે

સુલેખાએ એક અંગ્રેજી ન્યુઝ એજેન્સીને જણાવ્યું કે 'એક દિવસ, મારા દાદીએ મને ઘરેથી કાઢી મૂકી અને મારી માં કશું જ ન કરી શકી. હું મેચાડા સ્ટેશન પર પહોંચી અને ત્યાં બેસીને તેમણે ભીખ માંગવાનું શરુ કર્યું. ત્યારે 2 વ્યક્તિ મારી પાસે આવી અને કહ્યું એક ઘરમાં કામ કરવાનું  છે અને તેમના માટે પૈસા અને જમવાનું બંને આપવામાં આવશે. 

NGO સંસ્થાએ પૂછપરછ કરતા અધિકારીઓથી નિર્દોષ છોકરીઓને બચાવી

સુલેખાએ જણાવ્યું કે 'આ સાંભળી મેં તેમની વાત પર ભરોસો કર્યો અને તે લોકોએ  મને થોડું જમવાનું આપ્યું. ત્યારબાદ આગલા દિવસે મેં મારી આંખ ખોલી જોયું તો હું વૈશ્યાલયમાં હતી. વૈશ્યાલયના માલિકે મારા પર ખુબ જ અત્યાચાર કર્યો અને મને દેહવ્યાપાર માટે મજબુર કરી. મેં ત્યાંથી ઘણી વખત નાસી જવાની કૌશિશ કરી પણ હું પકડાઈ ગઈ હતી. જ્યારે વૈશયાલયમાં પોલીસે દરોડા પાડ્યા ત્યારે તે માત્ર 18 વર્ષની હતી. આંતરરાષ્ટ્રીય ન્યાય મિશન નામની એક NGO સંસ્થાએ પૂછપરછ કરતા અધિકારીઓથી નિર્દોષ છોકરીઓને બચાવી. 

ત્યારબાદ NGOએ સુલેખાને 18 વર્ષની ઉંમરમાં નરેન્દ્રપુરમાં એક ઘરમાં કામ સીખવા માટે મોકલવામાં આવી. ત્યારબાદ સુલેખાએ પ્રસિદ્ધ મીઠાઈની બ્રાંડ કંપનીમાં ટ્રેનીંગ લીધી. કારણકે આગળ જતાં તે પોતાના પગ કોઈ ધંધો શરુ કરી શકે.

બેગ મેન્યુફેક્ચર યુનિટમાં કામ કરતાં એક યુવક સાથે પ્રેમ થઈ ગયો​

સુલેખાએ જણાવ્યું કે 'મેં મીઠાઈ બનાવવાનું કામ ખુબ નિષ્ઠાપૂર્વક નિભાવ્યું અને તે દરમિયાન નજીકમાં જ આવેલા બેગ મેન્યુફેક્ચર યુનિટમાં કામ કરતાં એક યુવક સાથે પ્રેમ થઈ ગયો. તમણે મને ખુબ પ્રોત્સાહિત કરી અને મારો સાથ હંમેશા નિભાવ્યો. તેમણે મને સ્વતંત્રતા આપી અને થોડા દિવસો બાદ તેમણે લગ્નનો પ્રસ્તાવ મુક્યો. મેં મારા ભૂતકાળ વિષે પણ કહ્યું મને આજે પણ લાગી રહ્યું છે કે હું એક સપનું જોઈ રહી છું.

મારો પતિ ખુબ સારો વ્યક્તિ છે. તેમણે મને કહ્યું છે કે આપણે ભવિષ્યમાં કેક બનાવવાની બેકરી શરુ કરીશું.