આ ટ્રેનને ઈન્ફિનિટી ટ્રેન નામ આપવામાં આવ્યું છે અને તે તેના નામની જેમ જ અનંત સમય સુધી ટ્રેક પર દોડતી રહેશે.
ટૂંક સમયમાં જ પાટા પર દોડશે આ ટ્રેન
જે ઈંધણથી નહીં પરંતુ પૃથ્વીની શક્તિથી ચાલશે
જાણો તેની ખાસિયતો વિશે
ટૂંક સમયમાં જ એવી ટ્રેન પાટા પર દોડવા જઈ રહી છે, જેના માટે કોઈ ઈંધણ, ડીઝલ કે કોલસાની જરૂર નહીં પડે, પરંતુ પૃથ્વીની શક્તિથી તે ટ્રેક પર દોડશે. ઓસ્ટ્રેલિયાની એક માઈનિંગ કંપની એવી ટ્રેન બનાવવા જઈ રહી છે જે ઈંધણ પર નહીં, પરંતુ પૃથ્વીના ગુરુત્વાકર્ષણ બળથી પાટા પર દોડશે.
આ ટ્રેનને ઈન્ફિનિટી ટ્રેન નામ આપવામાં આવ્યું છે અને તે તેના નામની જેમ જ અનંત સમય સુધી ટ્રેક પર દોડતી રહેશે.
શું છે ઈન્ફિનિટી ટ્રેન
આવી ટ્રેન ટૂંક સમયમાં ટ્રેક પર દોડવા જઈ રહી છે, જે કોઈપણ પરંપરાગત ઈંધણ એટલે કે કોલસો, ડીઝલ કે ઈલેક્ટ્રોનિક પાવરને બદલે પૃથ્વીની શક્તિ પર ચાલશે. એટલે કે આ સ્પેશિયલ ટ્રેન ગુરુત્વાકર્ષણથી પાટા પર દોડશે. આ ટ્રેન ઓસ્ટ્રેલિયાની એક માઈનિંગ કંપની બનાવી રહી છે. એટલે કે તે ગુરુત્વાકર્ષણની ઈન્ફિનિટી પાવરથી તે ચાલશે. આથી આ ટ્રેનને ઈન્ફિનિટી ટ્રેન નામ આપવામાં આવ્યું છે. આ ટ્રેનને બનાવવા માટે એડવાન્સ એન્જિનિયરિંગ ફર્મે કામ શરૂ કર્યું છે. કંપનીએ પ્રદૂષણના સ્તરને ધ્યાનમાં રાખીને આ ટ્રેન શરૂ કરી છે. ઇન્ફિનિટી ટ્રેનની મદદથી માત્ર પ્રદૂષણ જ નહીં પરંતુ ટ્રેનમાં રિફ્યુઅલિંગની ઝંઝટનો પણ અંત આવશે.
ઓસ્ટ્રેલિયાની કંપની તૈયાર કરી રહી છે આ ખાસ ટ્રેન
ઓસ્ટ્રેલિયાની માઈનિંગ કંપની ફોર્ટેસ્ક્યુએ હવે આ ટ્રેન બનાવવાનો નિર્ણય લીધો છે. કંપનીનો ઉદ્દેશ્ય હવે એવી ટ્રેનો બનાવવાનો છે જે ટ્રેક પર દોડતી વખતે ચાર્જ કરતી રહે. ટ્રેનમાં બેકઅપ માટે બેટરી હશે, જે ચાર્જ થતી રહેશે અને ઊર્જા બચાવશે. આ બેટરીની ઉર્જા ક્યારેય ખતમ નહીં થાય. સૌથી મહત્વની વાત એ છે કે આ બેટરીને ચાર્જ કરવા માટે પૃથ્વીના ગુરુત્વાકર્ષણ બળની સૌથી વધુ જરૂર પડશે. આ પ્રોજેક્ટ દ્વારા, શૂન્ય ઉત્સર્જન અને ઓછી કિંમત સાથે નૂર પરિવહનનો સારો વિકલ્પ ઉભો કરવામાં આવશે. કંપનીએ આ માટે ટેક્નોલોજી લીડર વિલિયમ્સ એડવાન્સ એન્જિનિયરિંગને ખરીદીને આ ટેક્નોલોજી પર કામ શરૂ કર્યું છે.
સૌથી શક્તિશાળી ઇલેક્ટ્રિક ટ્રેન
દરેક વ્યક્તિને આ ટ્રેન વિશે ઘણી આશાઓ છે. આ પ્રકારની પ્રથમ ઈલેક્ટ્રિક ટ્રેન હશે. આ અંગે ફોર્ટેસ્ક્યુના સીઈઓ એલિઝાબેથ ગેઈન્સે કહ્યું કે ઈન્ફિનિટી ટ્રેન વિશ્વની સૌથી શક્તિશાળી, શ્રેષ્ઠ, સક્ષમ ઇલેક્ટ્રિક ટ્રેન હશે, જે શૂન્ય પ્રદૂષણ પર કામ કરશે. આ ટ્રેનમાં ડીઝલનો ઉપયોગ નહીં કરવામાં આવે. આ ટ્રેનમાં રિજનરેટિવ બ્રેકિંગ ટેક્નોલોજીનો ઉપયોગ કરવામાં આવશે.