નિવેદન / દુનિયાએ જોયું, ભારત કોઈ દબાણમાં નહીં આવે...: S જયશંકરે ફરી ચીન-પાકિસ્તાનને આપ્યો કડક સંદેશ 

• વિદેશમંત્રી એસ જયશંકર બેબાક નિવેદનના કારણે ફરી  ચર્ચામાં આવ્યા
• દુનિયાએ જોયું, ભારત કોઈ દબાણમાં નહીં આવે: વિદેશમંત્રી એસ જયશંકર 
• હવે ભારત કોઈના દબાણમાં કામ કરતું નથી: વિદેશમંત્રી એસ જયશંકર 

ભારતના વિદેશમંત્રી એસ જયશંકર ફરી એકવાર પોતાના બેબાક નિવેદનના કારણે ચર્ચામાં આવ્યા છે. શનિવારે તેમણે સ્પષ્ટ શબ્દોમાં ભારતના બે દુશ્મન દેશોને સંભળાવી કહ્યું પાકિસ્તાનથી ઉત્પન્ન થતો આતંકવાદ અને ચીન સીમા પર આક્રમક અથડામણ બાદ ભારતે જે રીતે જવાબ આપ્યો તે દર્શાવે છે કે હવે ભારત કોઈના દબાણમાં કામ કરતું નથી. 

પાકિસ્તાનમાં કરી એરસ્ટ્રાઈક 
જયશંકરે કહ્યું કે ભારતે પોતાની સુરક્ષાને સુનિશ્ચિત કરવા માટે બની શકે તેટલા પ્રયત્ન કર્યા છે, પુલવામામાં આતંકવાદી હુમલા બાદ ભારતન વાયુ સેનાએ હવાઈ હુમલા કર્યા અને જેનાથી દુનિયાભરને સંદેશ આપવામાં આવ્યો. 

ચીનને આપ્યો જવાબ 
પાકિસ્તાન બાદ ચીન મુદ્દે પણ જયશંકરે મોટું નિવેદન આપ્યું અને કહ્યું કે ચીન ઉત્તરની સીમાઓ પર ઉલ્લંઘન કરીને પરિસ્થિતિને બદલવા માટે પ્રયાસ કરે છે, એવામાં કોરોના વાયરસના સંકટ વચ્ચે પણ ભારતની પ્રતિક્રિયા મજબૂત અને દ્રઢ હતી. આજે પણ હજારોની સંખ્યામાં તૈનાત જવાનો દુર્ગમ વિસ્તારોમાં પણ ભારત માતાની સેવા કરી રહ્યા છે. 

જયશંકરે કડક શબ્દોમાં કહ્યું કે ભારત એક એવી દેશ છે જે કોઈના દબાણમાં કામ કરતું નથી, અને પોતાની સુરક્ષા સુનિશ્ચિત કરવાં માટે બધુ જ કરશે.   

નોંધનીય છે કે વિદેશ મંત્રી જયશંકર હાજરજવાબી માટે જાણીતા છે, ચીન પાકિસ્તાન હોય કે પછી રશિયા યુક્રેનનું યુદ્ધ, અમેરિકા અને યુરોપ દ્વારા ઉઠાવાતા સવાલ પણ હોય... એસ જયશંકર ગમે તે પરિસ્થિતિમાં વિરોધીને કડક શબ્દોમાં જવાબ આપે છે.