અફઘાનિસ્તાન / તાલિબાન ભીખ માગતુ થઈ જશે, વર્લ્ડ બેંકે બતાવ્યો પોતાનો પાવર, લીધો મોટો નિર્ણય

• તાલિબાન સામે વર્લ્ડ બેંકે લીધો મોટો નિર્ણય 
• અફઘાનિસ્તાનને મળતી સહાયતા પર લગાવી રોક 
• વર્લ્ડ બેંકે લીધો મોટો નિર્ણય 

અફઘાનિસ્તાન પર તાલિબાને કબ્જો તો જમાવી લીધો પરંતુ તેઓ સરકાર કેવી રીતે ચલાવશે તે તેમની સામે મોટો પડકાર છે. કારણકે અમેરિકા સહિતના દેશો તાલિબાનને આર્થિક રૂપે પાઈમાલ કરવા માગે છે. ત્યારે વધુમાં વિશ્વ બેંક દ્વારા પણ અફઘાનિસ્તાનને જે સહાયતા આપતી હતી તે સહાયતા પર રોક લગાવી દીધી છે. 

વર્લ્ડ બેન્કે તાલિબાન સામે લીધા મોટા પગલા 

વિશ્વ બેંકના પ્રવક્તાએ કહ્યું કે અફઘાનિસ્તાનની સ્થિતી જોઈને ખાસ કરીને મહિલાઓના અધિકારોની સ્થિતીને ધ્યાનમાં રાખીને તેમણે તાલિબાન સામે મોટા પગલા લીધા છે. વર્લ્ડ બેન્કના પ્રવક્તાએ કિધું કે હાલ અફઘાનિસ્તાનને મળતી દરેક પ્રકારની આર્થિક મદદ પર રોક લગાવી દેવામાં આવી છે. બીજી તરફ અફઘાનિસ્તાન પર કબ્જો મેળવ્યા બાદ તાલિબાને સરકાર બનાવાની તૈયારી કરી રહ્યું છે. 

અમેરિકાએ પણ સંપત્તિ આપવાની ના પાડી 

અગાઉ અમેરિકાએ એવું કહ્યું હતું કે તેમના દેશમાં અફઘાનિસ્તાનનું સોનું અને જે પણ સંપત્તિ છે. તેને તેઓ તાલિબાનને નહી આપીએ. આપને જણાવી દઈએ કે અમેરિકા પાસે અફઘાનિસ્તાનની 706 અરબ ડોલર જેટલી સંપત્તિ છે. જેથી અમેરિકાનો આ નિર્ણય તાલિબાન માટે મોટો ઝટકો છે. 

IMF દ્વારા આર્થિક મદદ આપવાની મનાઈ 

આંતરરાષ્ટ્રીય  નાણાકીય ભંડોળ એટલે કે IMF દ્વારા પણ અફઘાનિસ્તાનને આર્થિક મદદ આપવાની ના પાડી દેવામાં આવી છે. સાથેજ તેમના જે સંસાધનો જે અફઘાનિસ્તાનમાં છે તેના ઉપયોગ પર પણ તેમણે રોક લગાવી દીધી છે. 

વર્લ્ડ બેંકે અફઘાનિસ્તાનને 2002 પછી 5.6 ડૉલરની સહાય આપી 

ઉલ્લેખનીય છે કે IMF દ્વારા 460 મિલિયન ડૉલર એટલેકે 46 કરોડ ડૉલર બ્લોક કરવાની જાહેરાત કરવામાં આવી છે. તાલિબાનના નિયંત્રણો અફઘાનિસ્તાનમાં અશાંતી ફેલાઈ રહ્યા છે. પરિણામે બધી બાજુથી અફઘાનિસ્તાનને મદદ મળવાની બંધ થઈ ગઈ છે. આપને જણાવી દઈએ કે 2002થી લઈને અત્યાર સુધીમાં વિશ્વ બેંક દ્વારા અફઘાનિસ્તાનને 5.3 અરબ ડૉલરની આર્થિક સહાયતા આપવામાં આવી છે.