વલસાડ / જાતમહેનત જિંદાબાદ: જે કામ તંત્ર ન કરી શક્યું તે વલસાડના કપરાડાના લોકોએ કરી બતાવ્યું

• જાત મહેનત જિંદાબાદ
• લાહડી નદી પર બનાવ્યો લાકડાનો પૂલ
• સીધલા ગામના લોકોએ બનાવ્યો પૂલ

વલસાડના કપરાડા તાલુકાના અંતરિયાળ વિસ્તારોમાં ચોમાસામાં નદી-નાળાઓમાં પૂર જેવી સ્થિતિ જોવા મળે છે. નાના પૂલ અને કોઝ-વેના અભાવે અનેક લોકો સંપર્ક વિહોણ બને છે આ વિસ્તારના લોકો જીવના જોખમે નદી-નાળાઓમાંથી પસાર થવું પડતું હોય છે. 

લાહડી નદી પર બનાવ્યો લાકડાનો પૂલ

ગ્રામજનોએ અનેકવાર પૂલ બનાવવા માટે રજૂઆતો કરી છતાં તંત્ર દ્વારા કોઈ ધ્યાન આપવામાં ન આવતા આખરે જાત મહેનતે નદી પર લાકડાનો પૂલ બનાવ્યો છે. ગ્રામજનોએ લાહડી નદી પર લાકડાના પૂલના સહારે ચોમાસામાં નદી પાર કરે છે.

અંતરિયાળ ગામમાં પુલ અને કોઝવેનો અભાવ

આજે પણ આઝાદીના આટલા વર્ષો બાદ હજુ કેટલાક ગામો પ્રાથમિક સુવિધાઓથી વંચિત જોવા મળી રહ્યા છે કપરાડા તાલુકાના અંતરિયાળ પહાડી વિસ્તારોમાં ચોમાસાના દરમિયાન પૂર જેવી સ્થિતિ સર્જાતી હોય છે ચાર મહિના નદી-નાળાઓ પાણીથી છલોછલ થઈ જતા હોય છે. પુલ અને કોઝવેના અભાવે ગ્રામજનો માટે પરિસ્થિતિ વિકટ બની જતી હોય છે. 

સીધલા ગામના લોકોએ બનાવ્યો પૂલ

કપરાડામાં સીલધા ગામે 100થી વધુ પરીવારના લોકો વસવાટ કરે છે ગામમાં કોલક નદીને જોડતી લાહડી નદી ચોમાસામાં મુશ્કેલીરૂપ સાબિત થાય છે. ગામના આ ફળિયામાં રહેતા 100 થી વધુ પરિવારો એ પોતાના ખેતર જવા કે ગામમાં દુકાન પર કરિયાણું લેવા કે બાળકોને શાળાએ મૂકવા કે રોજીરોટી માટે ગામથી બહાર નીકળવા આ નદી પસાર કરવી જરૂરી બને છે. 

જાત મહેનતે નદી પર લાકડાનો પુલ તૈયાર કર્યો 

ચોમાસાના ચાર મહિના નદી બે કાંઠે વહેતી હોવાથી લોકોએ મજબૂરીમાં નદીના પાણીમાંથી પસાર થવું પડે છે. તંત્રને અનેક રજુઆત કરવા છતાં પણ કોઈ કાર્યવાહી નહીં થતાં. આખરે સ્થાનિક લોકોએ જાતે જ મહેનત નદી પર લાકડાનો પુલ તૈયાર કરી નદી પસાર કરવાનો માર્ગે શોધી લીધો છે.