ચીન સાથેની સમગ્ર સરહદ પર હાલમાં ભારતીય સેનાના જવાનો મોટી સંખ્યામાં તૈનાત છે અને આ ઊંચાઈ વાળા સ્થળોએ શિયાળામાં માઇનસ 40 ડિગ્રી સુધીનું નિમ્ન તાપમાન નોંધાય છે, સાથે જ 30 થી 40 ફૂટ સુધીની હિમવર્ષા થાય તેવી પણ સંભાવનમાં રહેતી હોય છે.
ભારતે વિકસાવ્યા આધુનિક આવાસ
હીટર વાળા મકાનમાં રહેશે સૈનિકો
શિયાળાને લઈને લશ્કર દ્વારા કરાઇ આધુનિક સુવિધા
શિયાળામાં લદાખ સેક્ટરના તાપમાનમાં તીવ્ર ઘટાડો અને ચીનની સરહદ પર હાલની તંગદિલીને જોતાં ભારતીય સેના એ PLA ની ચીની સેનાના કોઈ પણ દુ:સાહસને પહોંચી વળવા માટેની પૂરતી તૈયારીઓ કરી લીધી છે, મળતી માહિતી પ્રમાણે સેનાના હજારો જવાનો સુરક્ષિત પણે રહી શકે તે માટે આધુનિક સુવિધા વાળા હીટર યુક્ત નવા આવાસો બનાવ્યા છે.
#WATCH Eastern Ladakh: In order to ensure operational efficiency of troops deployed in winters, Indian Army has completed establishment of habitat facilities for all troops deployed in the sector. pic.twitter.com/H6Sm5VG541
આર્મી દ્વારા જાહેર કરાયેલા એક વીડિયોમાં ભારતીય સેના ની તૈયારીઓ સ્પષ્ટ દેખાઈ રહી છે. તેમાં સૈનિકો માટે પલંગ, અલમારીઓ અને હીટરોની પણ સુવિધા છે. ઘણા રૂમમાં સિંગલ બેડ હોય છે તેમજ લિવિંગ રૂમમાં બઁક બેડની સુવિધા પણ છે. સૂત્રોએ જણાવ્યું છે કે, મોરચા પર હાજર સૈનિકોની તૈનાતી મુજબ, તેમના માટે ગરમ ટેન્ટની વ્યવસ્થા પણ કરવામાં આવી છે.
એક ખાનગી ચેનલના માધ્યમથી જાણકારી બહાર આવી હતી કે ભારતીય લશ્કર રશિયા પાસેથી ટેન્ટ ખરીદી રહ્યું છે અને એક સ્રોતએ માહિતી આપી છે કે કાનપુરની ઓર્ડનન્સ ફેક્ટરીનો આવા ટેન્ટ ખરીદવા માટે સંપર્ક કરવામાં આવ્યા છે. ચીને પેંગોંગ નજીક અને LAC પર ઘર્ષણ સ્થળો પર અસ્થાયી ઇન્ફ્રાસ્ટ્રકચર બનાવ્યા છે.
લોકડાઉનના લીધે સપ્લાય પ્રભાવિત થયો
અધિકારીઓએ માહિતી આપી છે કે લોકડાઉનને કારણે કેટલાક કોન્ટ્રાક્ટરો કે જેઓ ભારતીય સૈન્યને આવા ટેન્ટ અને અન્ય બાંધકામની રચનામાં મદદ કરતાં હતા, તેઓ લોકડાઉનના લીધે ઉપલબ્ધ બની શક્યા નહોતા, જેના પછી રશિયન ટેન્ટ આ તૈયારીઓ માટે એક સારો વિકલ્પ બની ગયું હતું.
સૈનિકોએ સક્કરપારા પર દર્શાવ્યો ભરોસો
આ સ્થાનોએ જો કે સૈનિકોએ ઉત્તર ભારતીય નાસ્તા વાનગી સક્કરપારા પર ભરોસો મૂક્યો હતો, એક જવાને કહ્યું હતું કે તે ઘઉંનો લોટ શેકીને બનાવવામાં આવે છે અને તેને ખાંડની ચાસણીમાં ડૂબાડવામાં આવે છે, જે વાહન કરવામાં સહેલું પડે છે અને ઉર્જા પણ આપે છે. સેનાના સૂત્રોએ જણાવ્યું હતું કે આ સક્કરપારાઓ તૈયાર કરીને સૈનિકોને મોકલાઈ રહ્યા છે.
પાણીની સપ્લાય બીજી મોટી ચિંતા
ઊંચાઈ વાળા સથાનો પર ભારતીય સેના માટે પાણીની યોગ્ય વ્યવસ્થા કરવી તે એક મોટો પડકાર છે, અમુક જગ્યાઓએ જમીનથી પાઈપલાઈન દ્વારા પાણીની વ્યવસ્થા કરવામાં આવી છે અને ચૂશુલમાં અમુક સ્થાનિક લોકોએ જવાનોને પાણીની ફેરી કરવામાં મદદ કરી હતી.