વાણી વિલાસ / મુખ્યમંત્રી શબ્દ એ ભ્રમ, અમારા માટે નીતિનભાઈ જ મુખ્યમંત્રી', જાણો કોણે આપ્યું વિવાદિત નિવેદન

• ''ભાજપમે કુછ ભી હો સકતા હૈ'- સરપંચ 
• જુગલ લોખંડવાલા પ્રીતીપ્રાત્ર,એટલે પદ મળ્યું-સરપંચ 
• કાર્યકરો નિરાશ ના થાય,અહીં ગમે ત્યારે લોટરી લાગે-બારોટ 

તમને રાજ્ય સરકાર મજાક લાગે છે ? શું તમે સમાજનો વિકાસ કરવા કોઈ સરકાર પર આધાર રાખીને બેઠા છો? એ જ તમારી ભૂલ છે અથવા ભ્રમણા છે. ઉત્તર ગુજરાતના મહેસાણા નજીકના કોચવા ગામના સરપંચ એક એવા સક્ષમ છે જેને કોઈ વિકાસ માટે કોઈ પણ સરકારની જરૂર નથી. કોચવાના સરપંચ અશોક બારોટ કહે છે કે, મે જીવન માં ક્યારેય  તાલુકા પંચાયત નથી જોઈ છતાં છેલ્લા 20 વર્ષથી હું સરપંચ છું. સરપંચ બારોટે,પૂર્વ નાયબ મુખ્યમંત્રી નીતિન પટેલને લઈને પણ નિવેદન આપતા કહ્યું કે, આજે મુખ્યમંત્રી એ શબ્દ  કેવળ ભ્રમ છે,અમારા માટે તો મુખ્યમંત્રી નીતિન પટેલ જ છે. સરપંચે એમ પણ ઉમેર્યું કે, 'ભાજપ મે કુછ ભી હો સકતા હૈ' 

અમારા માટે નીતિન પટેલ જ મુખ્યમંત્રી -સરપંચ  

રાજ્યસભા સાંસદ જુગલ લોખંડવાલા રાજ્ય સભા સાંસદ બન્યા તે પાછળની હકીકત કહેતા સરપંચ બારોટે કહ્યું કે, વડાપ્રધાન કે ગૃહમંત્રી ક્યારેય કોઈને એમ ને એમ પદ નથી આપી દેતા. લોખંડવાલા ક્યાંક તેમના પ્રીતિ પાત્ર રહ્યા હશે.તો જ આટલું મોટું પદ મળે. ભાજપમાં બધું શક્ય છે.માટે કોઈ નાણા કાર્યકર્તાએ ક્યારેય નિરાશ ના થવું. અહી ક્યારે'ય  પણ લોટરી લાગી શકે છે.
 
તો રાજ્યના પૂર્વ નાયબ મુખ્યમંત્રી નીતિન પટેલ માટે કહ્યું કે, મુખ્યમંત્રી શબ્દ ભ્રમ છે.નીતિનભાઈ તમે અમારા માટે મુખ્યમંત્રી જ છો અને ભવિષ્યમાં પણ રહેશો. સરપંચે ઉમેર્યું કે, કેટલાક લોકો પદથી ઓળખાય છે. તેમનો રૂઆબ પણ પદના કારણે જ હોય છે.પણ નીતિનભાઈથી પદ શોભતું હતું.