OMG / મહિલાનું વજન થઈ ગયું હતું 108 કિલો, પેટમાંથી 50 કિલોનું જે નીકળ્યું તે જોઈ ડૉક્ટર પણ ચોંકી ગયા

• પેટનું ટ્યુમર બન્યુ ચિંતાનુ કારણ
• 52 વર્ષની મહિલાનું વજન 108 કિલો

52 વર્ષની એક મહિલા દવાખાનામાં મોટુ પેટ લઇને દાખલ થઇ, નિદાન થયુ કે તેને ટ્યુમર છે, આ ટ્યુમરના કારણે મહિલાનુ પેટ ફૂલી ગયુ હતુ અને તેને જોઇને લોકોની આંખો પણ ફાટી જાય. ત્રણ કલાકની સર્જરી બાદ મહિલાની પેટનું ટ્યુમર કાઢી નાંખવામાં આવ્યું હતું. 

ભારતમાં દુનિયાના સૌથી મોટા ઓવરી ટ્યુમરનું સક્સેસફૂલ ઓપરેશન કરવામાં આવ્યુ હતું. આ ટ્યુમરનુ વજન 50 કિલો 800 ગ્રામ હતું અને મહિલાની ઉંમર 52 વર્ષ હતી. 

આ મહિલાને અચાનક જ પેટ વધવાની સમસ્યા શરૂ થઇ ગઇ હતી. થોડા જ સમયમાં તેનું વજન લગભગ 108 કિલો થઇ ગયુ હતુ. તેની એડીઓ સોજી ગઇ અને તે મહિલા સરખી રીતે ઉભી પણ નહોતી રહી શકતી. 

તે મહિલાને કેટલાક લોકોએ ડાયટ કરવાની સલાહ આપી તેમ છતાં તેનું પેટ વધી જ રહ્યું હતુ, તેને પોતાના પેટમાં ટ્યુમર છે તે વાતનો તો અંદાજો પણ નહોતો. તેના પેટના ભાગનો વજન તેના શરીરના વજનના 45 ટકા થઇ ગયુ હતું. 

જ્યારે તે મહિલાની તકલીફ ખૂબ વધી ગઇ ત્યારે તેને દિલ્હીના એક દવાખાનામાં લઇ જવામાં આવી. બાદમાં ટ્યુમર હોવાનું નિદાન થયુ અને ત્રણ કલાકની સર્જરી બાદ ટ્યુમરને કાઢી દેવામાં આવ્યું. 

સર્જરી કરનાર ડૉક્ટરે કહ્યું કે 30 વર્ષના કરિયરમાં આવો કેસ તેમણે ક્યારેય નથી જોયો અને જો આ મહિલાનું ટ્યુમર કાઢવામાં ન આવ્યું હોત તો તેના ગર્ભાશયમાં વિસ્ફોટ થઇ શકતો હતો. 

સર્જરી પહેલા મહિલાને ઘણુ લોહી ચડાવવામાં આવ્યું હતુ, કારણકે તેને અનીમિયા થઇ ગયો હતો જેના કારણે તેને હિમોગ્લોબિનની કમી થઇ ગઇ હતી.