કોવિડ નિયમોનું પાલન કરવુ જોઇએ તેના માટે સરકાર અલગ અલગ રીત અપનાવે છે પરંતુ પેરુમાં મહિલાએ કોવીડ ગાઇડલાઇન્સનું ઉલ્લંઘન કર્યુ તો પોલીસવાળાએ તેને કિસ કરી લીધી.
પોલીસકર્મીએ મહિલાને કરી લીધી કિસ
કોવિડ નિયમોનું પાલન ન કરતા કરી કિસ
પોલીસકર્મીને આ ઘટના બાદ કરાયો સસપેન્ડ
કોવિડ ગાઇડલાઇન્સનું ઉલ્લંઘન કર્યુ તો દંડ કરવાની જગ્યાએ પોલીસે તેને કિસ કરીને જવા દીધી હતી. આ મામલો જ્યારે સામે આવ્યો ત્યારે તેને સસપેન્ડ કરી દેવામાં આવ્યો હતો.
શું હતો મામલો
એક ટીવી ચેનલ પર ઘટનાનુ ફૂટેજ શૅર કરવામાં આવ્યું હતુ. શરૂઆતમાં પોલીસકર્મી મહિલાની જાણકારી પોતાના નોટપેડ પર લખે છે તે દરમિયાન મહિલા પોલીસકર્મીની ખુબ નજીક આવી જાય છે અને થોડી વાર બાદ પોલીસ ઓફીસર મન બનાવી લે છે અને કિસ કરી લે છે.
હજુ સુધી પોલીસકર્મીનું નામ સામે નથી આવ્યું પરંતુ પેરુની રાજધાની લીમાના અધિકારીઓએ મામલાની તપાસ શરૂ કરી દીધી છે. જેના હેઠળ પોલીસકર્મીને કેટલાક સમય માટે નોકરીમાંથી સસપેન્ડ કરી દેવામાં આવ્યા છે. કહેવામાં આવી રહ્યુ છે કે તે પોલીસકર્મી પર કોઇ પ્રકારનો આરોપ નથી લાગ્યો તેનો રેકોર્ડ એકદમ ક્લિયર છે.
નિયમોનુ ઉલ્લંઘન
મિરાફ્લોરેસ જિલ્લાના સુરક્ષા પ્રભારી Ibero Rodriguezએ જણાવ્યું કે, મામલો સામે આવ્યા બાદ તેને સસપેન્ડ કરી દેવામાં આવ્યો છે. તે મહિલા સોશ્યલ ડિસ્ટન્સિંગ જેવા કોવિડ નિયમોનું પાલન નહોતી કરી રહી. નિયમોનું પાલન તો તેણે કરવુ જ જોઇએ. તે તેનુ માસ્ક ઉતારીને કિસ પણ કરે છે.