મહિલાએ કાર પરથી ગુમાવ્યો કાબૂ બ્રેકના સ્થાને દબાવ્યુ એક્સીલેટર

મુંબઈ શહેરના સૌથી ભીડભાડવાળા ધારાવી વિસ્તારમાં અચાનક દોડાદોડ મચી ગઈ. જ્યાં એક કારે 6 લોકોને ટક્કર મારી હતી. આ કારને એક 19 વર્ષીય યુવતી ચલાવી રહી  હતી. 

જોકે આ સમગ્ર ઘટના CCTV કેમેરામાં કેદ થઈ હતી. જેમાં યુવતીએ ધારાવી ટ્રાફિક સિગ્નલ પર બ્રેકના સ્થાને એક્સીલેટર દબાવી દેતા કાર દોડવા લાગી હતી અને 6 લોકોને અડફેટે લીધા હતા.

CCTVમાં સ્પષ્ટ દેખાઇ રહ્યુ છે કે આ કારે સૌપ્રથમ એક ટુવ્હીલર અને ત્યાર બાદ રોડ પર ચાલતા લોકો અને રિક્ષા તેમજ બે ટુવ્લીરને અડફેટે લીધા હતા. 

મહત્વનું છે કે યુવતીએ કાર ભાડે લીધી હતી અને પોતાના મિત્રો સાથે ફરવા માટે બાંદ્રા જઈ રહી હતી. આ દુર્ઘટનામાં 6 લોકોને ઈજા પહોંચી. જેમાં 2 વ્યક્તિ હાલત ગંભીર છે.