મહિલાનું કહેવું છે કે, પતિ પહેલેથી જ પરિણીત છે અને તેની સાથે છેતરપિંડી કરીને લગ્ન કર્યા બાદ હવે બાળક પેદા કરવા અને પછી પતિને છૂટાછેડા આપવાનું દબાણ કરવામાં આવી રહ્યું છે
યુપીના આગ્રામાં એક ચોંકાવનારી ઘટના
પત્નીએ પતિ વિરુદ્ધ પોલીસ ફરિયાદ નોંધાવી
બાળક માટે મહિલાએ પતિના બીજા લગ્ન કરાવ્યા
બીજી પત્નીએ છેતરપિંડી કરીને લગ્ન કરાવાયા હોવાનું કહ્યું
યુપીના આગ્રામાં એક ચોંકાવનારી ઘટના સામે આવી છે. વાત જાણે એમ છે કે, એક મહિલાએ તેના પતિ વિરુદ્ધ પોલીસ ફરિયાદ નોંધાવી છે. મહિલાનું કહેવું છે કે, પતિ પહેલેથી જ પરિણીત છે અને તેની સાથે છેતરપિંડી કરીને લગ્ન કર્યા બાદ હવે બાળક પેદા કરવા અને પછી પતિને છૂટાછેડા આપવાનું દબાણ કરવામાં આવી રહ્યું છે. તેના બદલામાં તેને 10 લાખ રૂપિયા આપવાનું કહેવામાં આવી રહ્યું છે. આ આખી ઘટના પાછળનું કારણ 'વંશ વૃધ્ધિ" કહેવામાં આવી રહ્યું છે.
આગ્રામાં 4 જુલાઈ, 2022ના રોજ રીનાના લગ્ન અંકુર સાથે થાય છે. લગ્ન પછી તે તેના સાસરે પહોંચે છે અને પછી જે ખુલાસો થાય છે તે કોઈ છોકરીને ગમતું નથી. સાસરિયાંમાં રીનાને ખબર પડે છે કે, તેનો પતિ પરિણીત છે. પરંતુ તેની પ્રથમ પત્નીથી કોઈ સંતાન ન હોવાથી તેણે બીજા લગ્ન કર્યા. કહેવામાં આવી રહ્યું છે કે, અંકુરે પહેલી પત્નીના કહેવા પર જ બીજા લગ્ન કર્યા હતા. મહિલાએ પોતાની ફરિયાદમાં જણાવ્યું છે કે, તેની સાથે છેતરપિંડી થઈ છે. તેણીને પહેલા કહેવામાં આવ્યું ન હતું કે અંકુર પહેલેથી જ પરિણીત છે.
આ સાથે પહેલી પત્ની પર વધુ ગંભીર આરોપો લાગ્યા છે. પીડિત મહિલાનો આરોપ છે કે, પ્રથમ પત્નીના કેટલાક સંબંધીઓ પોલીસ વિભાગમાં છે જે તેને ધમકી આપી રહ્યા છે. તેણી કહે છે કે, તેણીને એક બાળક પેદા કરવા અને પછી તેના પતિને છૂટાછેડા આપવાનું કહેવામાં આવે છે. તેના બદલામાં તેને 10 લાખ રૂપિયા આપવામાં આવશે. તેને કહેવામાં આવી રહ્યું છે કે. છૂટાછેડા પછી તેણે પોતે જ ફરીથી લગ્ન કરી લેવા જોઈએ. આ મામલે પોલીસે ગુનો નોંધી તપાસ શરૂ કરી છે.