યુપીના લખીમપુર ખીરીમાં પોતાની પુત્રી પર રેપનો પ્રયાસ કરનાર એક મહિલાએ ચાકૂથી તેના લીવ ઈન પાર્ટનરનો પ્રાઈવેટ પાર્ટ કાપીને પાઠ ભણાવ્યો.
યુપીના લખીમપુર ખીરીની ચોંકાવનારી ઘટના
મહિલાએ તેના લીવ ઈન પાર્ટનરનો પ્રાઈવેટ પાર્ટ કાપી નાખ્યો
પાર્ટનરે મહિલાની પુત્રી પર કર્યો રેપનો પ્રયાસ
ઉશ્કેરાયેલી મહિલાએ ચાકૂથી કરી નાખ્યો નપુંસક
બોલી- પાર્ટનરને પાઠ ભણાવવો જરુરી હતો
લીવ ઈન રિલેશનશીપમાં પણ ઘણી વાર ગંભીર ઘટનાઓ બની જતી હોય છે જોકે તેમાં વાંક મહિલા કરતા પુરુષનો વધારે હોય છે. યુપીના લખીમપુર ખીરીમાં એક શખ્સને પણ ખોટું કામ કરવાની મોટી સજા મળી અને હવે તેને આજીવન નપુસંક બનીને રહેવું પડશે. યુપીના લખીમપુર ખીરીમાં પણ લીવ ઈન રિલેશનશીપના પાર્ટનરની એક ગંભીર હરકત પર મહિલ ઉકળી ઉઠી અને કશું પણ વિચાર્યા વગર ચાકૂ ઉઠાવીને પાર્ટનરનો પ્રાઈવેટ પાર્ટ કાપી નાખ્યો. આવું કામ કર્યા બાદ મહિલાએ કહ્યું પણ ખરુ કે તેને પાઠ ભણાવવો જરુરી હતો.
પાર્ટનર મહિલાની પુત્રીની ઈજ્જત લૂંટવાનો કર્યો પ્રયાસ
મામલો યુપીના લખીમપુર ખેરી જિલ્લાના મહુવાગંજનો છે. અહીં એક મહિલા પોતાના પાર્ટનર સાથે લિવ ઇનમાં રહેતી હતી. પરંતુ તેને ખબર નહોતી કે જે તે દિલ દઈ બેઠી છે તે પોતાની પુત્રીની ઈજ્જત લૂંટવાનો પ્રયાસ કરશે. પોલીસના જણાવ્યા અનુસાર જ્યારે મહિલાના પાર્ટનરે તેની સગીર પુત્રી પર બળાત્કાર કરવાની કોશિશ કરી તો મહિલાએ ચાકૂ લઈને આરોપીનો પ્રાઈવેટ પાર્ટ કાપી નાખ્યો હતો.
આરોપી મહિલા બોલી, પાર્ટનરને પાઠ ભણાવવો જરુરી હતો
પોલીસના જણાવ્યા અનુસાર મહિલા લગભગ બે વર્ષથી પોતાના લિવ ઇન પાર્ટનર સાથે રહેતી હતી. મહિલાનો પતિ દારૂડિયો હતો અને તેનાથી કંટાળીને અલગ રહેવા લાગી હતી. મહિલાનું કહેવું છે કે, જ્યારે તેના લિવ ઇન પાર્ટનરે તેની દીકરી પર રેપ કરવાનો પ્રયાસ કર્યો ત્યારે તે ખેતરમાં કામ કરતી હતી. પરંતુ જોગાનુજોગ તે ઘટના સ્થળે પહોંચી ગઇ હતી અને આરોપીને રંગેહાથ પકડી પાડ્યો હતો. એટલું જ નહીં, જ્યારે તે પોતાની દીકરીને બચાવવાની કોશિશ કરી રહી હતી, ત્યારે આરોપીએ તેના પર પણ હુમલો કરવાની કોશિશ કરી હતી. આ દરમિયાન ગમે તેમ કરીને તે છરી લઈને આવી હતી અને તેને પાઠ ભણાવવા માટે તેનો પ્રાઈવેટ પાર્ટ કાપી નાખ્યો હતો. મહિલાએ કહ્યું કે તેને પોતાના આ કામનો અફસોસ નથી પરંતુ તેને પાઠ ભણાવવો જરુરી હતો.