શહેરનાં નવરંગપુરા વિસ્તારમાં રહેતી એક યુવતીએ તેનાં પતિ અને સાસુ- સસરા વિરુદ્ધમાં 10 લાખનું દહેજ માંગવાની તેમજ એબોર્શન કરાવી દેતાં હોવાનો આક્ષેપ કરતી ફરિયાદ નવરંગપુરા પોલીસ સ્ટેશનમાં નોંધાવી છે.
સાસરિયાએ જબરજસ્તી અબોર્શન કરાવી દીધું
આલોકે હોટેલનો ધંધો કરાવ માંગ્યા પૈસા
મહિલાએ પતિ સહિતનાં સાસરિયા સામે ફરિયાદ નોંધાવી
નવરંગપુરા વિસ્તારમાં આવેલ સૌમ્ય ફ્લેટમાં રહેતા અને ટ્રાવેલ્સની કંપનીમાં નોકરી કરતી લીના ખદિરયાએ નવરંગપુરા પોલીસ સ્ટેશનમાં સાસિરયાં વિરુદ્ધમાં ફરિયાદ કરી છે. ફરિયાદમાં કરાયેલા આક્ષેપ પ્રમાણે નવરંગપુરા વિસ્તારમાં આવેલ તેજશ્રી રેસિડન્સીમાં રહેતા આલોક સાથે વર્ષ ર૦૧૦માં લીનાનાં લગ્ન થયાં હતાં.
સાસરિયાએ જબરજસ્તી અબોર્શન કરાવી દીધું
લગ્ન સમયે લીનાના પિતાએ કિરયાવર પેટે ૧પ તોલા દાગીનાં તેમજ સાડા પાંચ લાખ રૂપિયા રોકડા દહેજ પેટે આપ્યાં હતા. લગ્નનાં ચાર મહિનાં બાદ આલોક ઘરે દારૂ પીને આવતો હતો. તેમજ નાની નાની વાતોમાં લીનાને ગડદાપાટુનો માર મારતો હતો. લગ્નનાં થોડાક મહિનાં બાદ લીના પ્રેગનન્ટ થઈ હતી. આલોકની આર્થિક સ્થિતિ સારી નહીં હોવાથી તેનું અબોર્શન કરવાની વાત કરી. લીનાએ અબોર્શન કરવાની ના પાડી દેતાં તેના પતિ અને સાસિરયાંએ બળજબરીપૂર્વક તેનું એબોર્શન કરાવી દીધું હતું.
આલોકે હોટેલનો ધંધો કરાવ માંગ્યા પૈસા
આલોકે હોટલનો ધંધો સેટ કરવાનો છે તેમ કહી લીનાને તેના પિતા પાસેથી 10 લાખ રૂપિયા લઈ આવવાનું કહ્યું હતું. લીનાએ રૂપિયા લાવવાની ના પાડી દેતાં તે ઉશ્કેરાયો હતો અને મારપીટ કરી હતી.