અમદાવાદના કૃષ્ણનગર વિસ્તારમાં એક વેપારી હનીટ્રેપનો શિકાર બન્યો છે. જેમા એક મહિલાએ વેપારીને તેના ઘરે બોલાવ્યો હતો જ્યા તેણે વેપારીને હનિટ્રેપની માયાજાળમાં ફસાવ્યો હતો.
મેગાસીટી અમદાવાદમાં દિવસેને દિવસે ગુનાખોરી હવે વધતી જાય છે. ત્યારે વધુમાં શહેરના કૃષ્ણનગર વિસ્તારમાં એક હનિટ્રેપનો કિસ્સો સામે આવ્યો છે. જેના કારણે શહેરમાં ચકચાર મચી જવા પામી છે. આરોપીઓએ ભોગ બનનાર પાસેથી 10 લાખની માંગણી કરી હતી. પરંતુ હાલ તેમને તેમની કરતૂતને કારણે જેલના સળીયા ગણવાનો વારો આવ્યો છે.
મહિલાએ વેપારીને બોલાવ્યો ઘરે
ભોગ બનનાર વ્યક્તિ કાપડનો વેપાર કરતો હતો. જેથી એક મહિલાએ તેને કુર્તિના વેચાણ કરવાને બહાને ફ્લેટમાં બોલાવ્યો હતો. તેજ સમયે ફ્લેટમાં અજાણ્યા ઈસમો મહિલાના પતિના નામે ઘુસી જાય છે. જેને જોઈને યુવક પણ બે ઘડી વિચારમાં મુકાઈ જાય છે. બંને શખ્સો વેપારીને કશું પણ બોલ્યા તેને માર મારાવનું શરૂ કરે છે.
વેપારી પાસેથી માગ્યા 10 લાખ
માર મારવાને કારણે વેપારી તે સમયે ગભરાઈ જાય છે. તેને ખ્યાલજ નથી આવતો કે તેના સાથે શું તઈ રહ્યું છે. બાદમાં વેપારી પાસેથી તે બંને શખ્સો 10 લાખ રૂપિયાની માગણી કરે છે. સાથેજ તેને એવું પણ કહે છે કે તેઓ ક્રાઈમ બ્રાન્ચમાં કામ કરે છે. જોકે તે સમયે વેપારી તેંમની પાસે 4 લાખ રૂપિયા આપવાની વાત કરે છે.
પોલીસે બે આરોપીઓની કરી ધરપકડ
ચાર લાખમાં આરોપીઓ માની જાય છે અને બાદમાં પછી ત્યાથી તે રૂપિયાની સગવડ કરવા દુકાને જઉ છું તેવું કહીને નીકળી જાય છે. બહાર નીકળતાજ વેપારીએ તુરંત કૃષ્ણનગર પોલીસને સંપર્ક કર્યો હતો. પોલીસેને આ મામલે ફરિયાદ મળ્યા બાદ તેમણે કાયદેસરની કાર્યવાહીવ આરંભી અને આ મામલે બે આરોપીઓને ઝડપી પાડ્યા છે. સાથેજ અન્ય આરોપીઓની પણ પોલીસ તપાસ કરી રહી છે.