બાળપણમાં ચૉક ખાવાની ટેવ બની સમસ્યા. પાડોશીઓ પણ મહિલાની આ ટેવથી થઇ ગયા પરેશાન ..
એક મહિલાને ગજબની બીમારી
દિવાલ ખાવાની છે મહિલાને ટેવ
આ ટેવથી પાડોશીઓ પણ પરેશાન
બાળપણની કેટલીક આદતો યુવાની અને વૃદ્ધાવસ્થા સુધી પીછો છોડતી નથી. આવી સ્થિતિમાં જો તમને બાળપણથી જ કોઇ ખોટી આદત હોય તો મોટા થઇને મુશ્કેલીમાં મુકી દે છે. ત્યારે આવુ જ એક મહિલા સાથે પણ થઇ રહ્યું છે. તમને ખબર હશે કે મોટાભાગના બાળકોને નાનપણમાં સ્લેટ પેન ખાવાની આદત હોય છે. ઘણા બાળકો તો દિવાલનો ચૂનો પણ ખાય છે. ત્યારે આવી જ આદતથી પરેશાન એક મહિલાને અત્યારે એવી એક કૂટેવ છે કે જેનાથી તે ખુદ પરેશાન થઇ ગઇ છે.
3 ફૂટની દિવાલ આરોગી ગઇ મહિલા
અમેરિકાના મિશિગનની આ ઘટના છે. એક મહિલાને બાળપણમાં ચૉક ખાવાની આદત હતી પરંતુ આ આદત ખરાબ વ્યસનમાં ફેરવાઇ ગઇ છે. ચોકથી શરુ થયેલી આદત દિવાલ ખાવાની લતમાં ફેરવાઇ ગઇ. મળતી માહિતી મુજબ, એક મહિલા અઠવાડિયામાં 3 ફૂટની દીવાલ ખાય છે. મહિલાનું કહેવું છે કે તેણે આ વ્યસન છોડવા માટે ઘણી કોશિશ કરી પરંતુ તે સફળ ન થઈ શકી. મહિલાની આ લતને કારણે ડોક્ટરોએ તેને ગંભીર બીમારી થવાની ચેતવણી આપી છે.
ચૉક ખાવાની ટેવ દિવાલ સુધી પહોંચી
આ વાત અમેરિકાના મિશિગનની રહેવાસી નિકોલની છે. નિકોલને બાળપણમાં ચૉક ખાવાનું પસંદ હતું. પહેલા તેને ચાક ખાવાની આદત પડી ગઈ હતી. પછી ધીરે ધીરે તેને દિવાલો ખાવુ ગમવા લાગ્યું. નિકોલને અલગ અલગ દિવાલોના ટેસ્ટ ઘણા પસંદ છે. એક ટીવી કાર્યક્રમમાં નિકોલે આ માહિતી આપી હતી. આ વ્યસનનું વર્ણન કરતાં તેણે કહ્યું કે તેની માતાના અવસાન બાદ તે ડિપ્રેશનમાં જતી રહી હતી. આ પછી તેને ચૉક ખાવાની આદત પડી ગઈ. આ જોઈને ચૉકની આદત હવે દીવાલ ખાવા સુધી પહોંચી ગઈ છે. હવે તે અઠવાડિયામાં ત્રણ ચોરસ ફૂટની દિવાલ ખાય છે. તમને જણાવી દઈએ કે નિકોલ એક બાળકની માતા પણ છે.
પાડોશીઓ પણ થઇ ગયા પરેશાન
નિકોલ તેના ઘરની દિવાલો જ નહીં પરંતુ પડોશીઓ અને સંબંધીઓના ઘરો પણ ખાઇ જતી હોવાથી પાડોશીઓ અને સંબંધીઓ તેનાથી ખૂબ નારાજ છે. નિકોલ આ વ્યસનને લઈને પોતાને લાચાર માને છે. ડૉક્ટરો પણ નિકોલની લતને લઈને ગંભીર છે. તેણે નિકોલને પણ ચેતવણી આપી છે. ડૉક્ટરોનું માનવું છે કે જો નિકોલ દીવાલ ખાવાનું બંધ નહીં કરે તો તેને કેન્સર થઈ શકે છે. દિવાલોમાં રંગમાં રહેલા રસાયણોને કારણે તેઓ અન્ય ઘણી ગંભીર બીમારીઓનો પણ ભોગ બની શકે છે.