વડોદરાની મહિલાએ પતિના શુક્રાણું લેવા માટે હાઈકોર્ટમાં અરજી કરી જેને કોર્ટ દ્વારા સ્વીકારવામાં આવી. પતિ કોરોના ગ્રસ્ત છે અને ગણતરીના કલાકોમાં તેનું મોત થઈ શકે છે. મહિલા પતિના શુક્રાણુંથી બાળક ઈચ્છે છે. જેથી IVF પદ્ધતિ માટે તેણે અરજી કરી.
પતિના શુક્રાણું લેવા પત્નીએ હાઈકોર્ટમાં કરી અરજી
પતિ કોરોનાગ્રસ્ત હોવાને કારણે મહિલાએ અરજી કરી હતી
હોસ્પિચટ દ્વારા પતિના શુક્રાણુના સેમ્પલ લેવામાં આવ્યા
IVF પદ્ધતિથી ગર્ભ ધારણ કરવા માટેનો કિસ્સો પ્રથમ વખત ગુજરાત હાઈકોર્ટના ઈતિહાસમાં પહોચ્યો છે. વડોદરાની મહિલાએ ગુજરાત હાઈકોર્ટમાં IVF માટે અરજી કરી હતી. કોરોનાને કારણે મહિલાના પતિની હાલત ખુબજ ગંભીર છે. તે માત્ર ગણતરીના કલાકો જીવી શકે તેવી તેની પરિસ્થિતી છે. જેના કારણે મહિલાએ અરજી કરી હતી.
15 મિનિટમાં સુનાવણી કરવામાં આવી
મહિલાની ઈચ્છા છે કે તે તેના પતિના શુક્રાણું દ્વારા IVF પદ્ધતિથી બાળકને જન્મ આપે. પરંતુ આ મામલે દર્દીની હાલત સ્થિર ન હોવાને કારણે તબીબોએ હાઈકોર્ટ પાસેથી મંજૂરી લેવા માટે કહ્યું હતું. આ મામલે ગુજરાત હાઈકોર્ટ દ્વારા સમગ્ર મામલે 15 મિનિટમાં સુનવાણી કરવામાં આવી હતી અને મહિલાની અરજી પર તાત્કાલીક સુનાવણી કરવામાં આવી હતી.
હોસ્પિટલે શુક્રાણુના સેમ્પલ લીધા
ગુજરાતા હાઈકોર્ટ દ્વારા દર્દીના શુક્રાણું લેવા માટે આદેશ આપવામાં આવ્યો છે. વડોદરા શહેરની સ્ટર્લિંગ હોસ્પિટલમાં કોરોના ગ્રસ્ત પતિની સારવાર ચાલી રહી છે. કોર્ટના આદેશ બાદ હોસ્પિટલ દ્વારા પતિના શુક્રાણુના સેમ્પલ લેવામાં આવ્યા છે.
દંપત્તિ છેલ્લા કેટલાક સમયથી કેનેડામાં સ્થાયી હતું
કોર્ટના આદેશ બાદ પણ હોસ્પિટલ દ્વારા સેમ્પલ લેવામાં આવ્યા ન હતા. જેના કારણે વિવાદ સર્જાયો હતો. જોકે હવે હોસ્પિટલ દ્વારા સેમ્પલ લઈ લેવામાં આવ્યા છે. પરંતુ દર્દીની હાલત ખુબજ નાજૂક હોવાનું સામે આવ્યું છે. દંપત્તિ છેલ્લા કેટલાક સમયથી કેનેડામાં સ્થાયી થઈ ગયું હતું. કોરોના ગ્રસ્ત યુવક અમદાવાદનો છે જ્યારે પત્ની ભરૂચની છે તેઓ લગ્ન બાદ કેનેડા સ્થાયી થઈ ગયા હતા.
દર્દીની હાલત ખૂબજ નાજૂક
ઉલ્લેખનીય છે આ દંપત્તિ પિતાની સેવા કરવા માટે કેનેડાથી ભારત આવ્યું હતું. જોકે પતિ કોરોના ગ્રસ્ત થવાને કારણે હાલ તેની પરિસ્થિતી ખુબજ નાજૂક છે. પતિના મલ્ટી ઓર્ગન્સ ફેલ થઈ ગયા છે. જેના કારણે પત્નીએ IVF માટે ગુજરાત હાઈકોર્ટમાં અરજી કરવી પડી હતી.