ક્લાર્ક મનિષાએ પતિ સાથે મળીને 3 કરોડ 21 લાખની કરી ઉચાપત
સમગ્ર મામલે ઓડિટ દરમિયાન કૌભાંડનો ખુલાસો થયો
અમદાવાદની સેન્ટ ઝેવિયર્સ લોયલા સ્કૂલના પ્રિન્સીપાલે મહિલા ક્લાર્ક મનીષા વસાવા સામે ફરિયાદ નોંધાવી છે. અગાઉના પ્રિન્સીપાલની ખોટી સહીઓ કરીને સ્કૂલની ફી અને અન્ય નાણાં મળી 3.21 કરોડ રૂપિયાની ઉચાપત કરી છે. આ સમગ્ર મામલે ઓડિટ દરમિયાન કૌભાંડ સામે આવ્યું હતું. યુનિવર્સીટી પોલીસે મહિલા ક્લાર્ક તેના પતિ અને અન્ય એકની ધરપકડ કરી છે.
એક તરફ મનીષાબહેનની ગેરહાજરી અને બીજી તરફ તેમની વર્તણુક પરથી ગેરરીતિ થઈ હોવાની સંચાલકોને શંકા ગઈ હતી. જેની તપાસમાં અંતે આ કૌભાંડ સામે આવ્યું છે. શાળાનું જે બેંકમાં એકાઉન્ટ હતું. શાળાના ડિડક્ટશન એકાઉન્ટમાંથી ચેક અને RTGSથી રકમ ટ્રાન્સફર થઇ હોવાનો પણ ખુલાસો થયો છે તેમાં અનેક ક્રેડિટ ટ્રાન્ઝેકશન થયા હોવાનું સામે આવ્યું હતું. આરોપીઓએ આ કૌભાંડ બે વર્ષ દરમિયાન કર્યું હતું. પણ કૌભાંડ કરી કરોડો રૂપિયા ચાઉં કરવા પાછળનું કારણ શું તે પોલીસ રિમાન્ડ દરમિયાન સામે આવશે.
મનીષા વસાવા છેલ્લા 21 વર્ષથી આ શાળામાં એકાઉન્ટન્ટ તરીકે કાર્યરત છે. જ્યારે શાળાનું બેંક એકાઉન્ટ બેન્ક ઓફ ઈન્ડિયામાં ડિડક્શન ખાતું છે. અને આ બેંકમાં જ કર્મચારીઓના PFના નાણા જમા થતા હતા. જ્યારે દર વર્ષે એક ખાનગી પેઢી દ્વારા ઓડિટ કરવામાં આવતું હતું. સમગ્ર મામલો વાર્ષિક ઓડિટ દરમિયાન સામે આવ્યો હતો. ઓડિટરોએ હિસાબ માગતા મનીષાએ આનાકાની કરી હતી. આ સાથે મનીષાએ શાળા જવાનું પણ બંધ કરી દીધું હતું.