ચમકારો / શિયાળાની ફુલગુલાબી ઠંડીથી શરૂઆત થતા મોટાભાગના શહેરમાં ઠંડીનો પારો ગગડ્યો 

• 11 ડિગ્રી સાથે ગાંધીનગર રાજ્યું ઠંડુ શહેર
• નલિયામાં તાપમાનનો પારો 13.6 ડિગ્રી 
• અમદાવાદમાં 16.08 ડિગ્રી તાપમાન

શિળાયાની સિઝન શરૂ થતા જ હવે ધીમે ધીમે રાજ્યમાં ઠંડીનો ચમકારો વધી રહ્યો છે, ગુલાબી ઠંડીનું જોર વધતા લોકો તાપણાનો સહારો પણ લેતા જોવા મળી રહ્યા છે. જ્યારે બીજી તરફ કેટલાક લોકો ઠંડીની મજાલેતા હોય તેવા દ્રશ્યો પણ સામે આવી રહ્યા છે, વહેલી સવારે મોનિંગ વોક માટે નિકળી જવું એ પણ એક લાહવો હોય છે. 

નલિયામાં તાપમાનનો પારો 13.6 ડિગ્રી 

જો વાત કરવામાં આવે તો ગુજરાતમાં તાપમાનનો પારો ગગડી રહ્યો છે ત્યારે રાજ્યમાં ફુલગુલાબી ઠંડીનો અહેસાસ થવા લાગ્યો છે, મોટા ભાગના શહેરોમાં નીચું તાપમાન જોવા મળી રહ્યું છે. જેમાં અમદાવાદમાં પણ ઠંડીનું પ્રમાણ વધ્યું છે. જ્યારે નલિયામાં દર વખતે સૌથી નીચું તાપમાન નોંધાતું હોય છે, આ વખતે નલિયામાં 13.6 ડિગ્રી તાપમાન નોંધાયું છે. જ્યારે અમદાવાદમાં 16.08 ડિગ્રી તાપમાન નોંધાયું છે. તો આ તરફ ગાંધીનગર સૌથી ઠંડુ શહેર બન્યું છે જ્યારે તાપમાનનો પારો 11 ડિગ્રીએ પહોંચ્યો છે. હવામાન વિભાગ દ્વારા રાજ્યમાં હજુ ઠંડીનું જોર વધશે તેવી આગાહી કરવામાં આવી છે. ઉત્તર-પૂર્વીય પવનોને લીધે ડિસેમ્બરમાં ઠંડી વધવાની શક્યાતાઓ પણ સેવી છે. 

અમદાવાદમાં 16.08 ડિગ્રી તાપમાન

દરિયામાં લો-પ્રેશર સક્રિય થતા રાજયમાં કમોસમી વરસાદની આગાહી કરવામાં આવી રહી છે જ્યારે બીજી તરફ ઠંડીનું પ્રમાણ વધતા લોકો ઘરમાં જ પૂરાઈ રહેવાનું વધારે પસંદ કરી રહ્યા છે. માવઠાની આગાહી વચ્ચે રાજ્યમાં ઠંડીનું જોર પણ વધી રહ્યું છે. અમદાવાદ, ગાંધીનગર તથા ડીસામાં ઠંડી વધી છે. 7 કિલોમીટર ઝડપે ઠંડો પવન ફૂંકાતા લોકો ઠંડીમાં ઠુઠવાયા હતા. આગામી દિવસોમાં હજુ તાપમાનનો પારો એકથી બે ડિગ્રી સુધી નીચે જઈ શકે છે.