ભારતીય પરંપરામાં લગ્ન સંસ્કારનું આગવું મહત્વ છે. તેમાં વરરાજા કન્યાને પરણીને પોતાના ઘરે લઇ જાય છે પરંતુ હાલમાં જ એક કિસ્સો એવો સામે આવ્યો છે જેને જાણીને તમે પણ ચોંકી જશો.
લગ્નમાં પત્નીએ પતિને બાંધ્યું મંગળસૂત્ર
સગાઇની વીંટીની જેમ મંગળસૂત્ર કર્યું એક્સચેન્જ
પત્ની પણ પહેલા તો રહી ગઇ હતી હેરાન
પુરુષે પહેર્યું મંગળસૂત્ર
29 વર્ષીય શાર્દુલ કદમ અને 27 વર્ષીય તનુજાના લગ્ન ગયા ડિસેમ્બરમાં થયા હતા. ભારતીય લગ્નમાં મંગળસૂત્રનું ખુબ મહત્વ છે. પતિ પોતાની પત્નીને મંગળસૂત્ર બાંધીને પોતાની બનાવી લે છે. માત્ર પુરુષ જ કન્યાને મંગળસૂત્ર પહેરાવી શકે તેવી માન્યા છે પરંતુ મહારાષ્ટ્રમાં એક યુવકને તેની પત્નીએ મંગળસૂત્ર પહેરાવ્યું હતું.
મંગળસૂત્ર એક્સચેન્જ કર્યા
શાર્દુલ મહારાષ્ટ્રનો છે અને તેના મતે મંગળસૂત્ર પ્રેમનું પ્રતિક છે માટે જેમ સગાઇમાં વીંટીની અદલાબદલી કરવામાં આવે છે તે જ રીતે મંગળસૂત્રની પણ અદલાબદલી જરૂરી છે. તેણે પોતાના માટે પણ એક મંગળસૂત્ર બનાવડાવ્યું હતુ અને કપલે વેડિંગ રિંગની જેમ મંગળસૂત્ર એક્સચેન્જ કર્યું હતું.
તનુજા સાથે કરી વાત
તનુજા સાથે તેણે આ વસ્તુને લઇને વાત કરી તો પહેલા તો તે પણ હેરાન રહી ગઇ હતી પરંતુ બાદમાં તેણે આ વાતને સહર્ષ સ્વીકારી લીધી હતી કારણકે શાર્દુલ જેન્ડર ઇક્વાલિટીને લઇને આવું કરી રહ્યો હતો.
શાર્દુલનું માનવું છે કે જ્યારે સગાઈમાં રીંગ એક્સચેન્જ થાય છે ત્યારે કોઈ સવાલ ઉઠાવતું નથી, પરંતુ લોકો મંગળસૂત્ર પર કેમ સવાલ ઉઠાવે છે, તે સમજની બહાર છે.
ઑફીસમાં મજાક ઉડાવી
શાર્દુલની ઑફીસમાં જ્યારે તે મંગળસૂત્ર પહેરીને ગયો ત્યારે તેના કલિગ્સે તેની ખૂબ મજાક બનાવી હતી. તેને ટ્રોલ કરવામાં આવતો હતો અને તેના પર ખુબ મિમ્સ પણ બન્યા હતા. હું એક પરંપરાને તોડવાનો પ્રયત્ન કરી રહ્યો હતો પરંતુ લોકોએ મને જ મજાકનું પાત્ર બનાવી દીધો હતો.