વજનના કારણે ચર્ચામાં રહેલા સુમો બાળકોનું ઘટ્યું વજન પરિવારમાં ખુશીનો માહોલ

ગીર: પોતાના વજનના કારણે લોકપ્રિય બનેલ ઉનાના વાજડી ગામના 'સુમો બેબી' ફરી એકવાર ચર્ચામાં આવ્યા છે. પોતાના વધતા વજનને ચર્ચામાં રહે છે. ત્રણ સુમો બાળકોનું 15 થી 27 કિલો વજન ઘટનાના કારણે ચર્ચામાં આવ્યા છે.



ઉનાના વાજડીગામમાં રહેતા રમેશભાઈ નંદવાણા ખેતી કરી પોતાનું ગુજરાન ચલાવે છે. જેઓના ચાર બાળકોમાંથી ત્રણ બાળકો સુમો જેવા છે. જેથી  પરિવારનું ભરણ પોષણ કરવામાં પણ તેઓને મુશ્કેલી પડે છે. બે વર્ષ અગાઉ ગુજરાતના તાત્કાલિન પૂર્વ CM આનંદીબહેન પટેલે આ બાળકોની નોંધ લીધી હતી. 

ત્યારબાદ સરકારે બાળકોના મેડિકલનો ખર્ચ ઉપાડયો પરંતુ બાળકોનું વજન કંટ્રોલ થઈ શક્યું ન હતું. આખરે સુમો બાળકોનું જીવન બદલાયુ અને તેનો પરિવાર તેમને લઇ અમદાવાદની એક ખાનગી હોસ્પિટલમાં આવ્યા. જ્યાં સુમો બાળકોનું ઓપરેશન હાથ ધરવામાં આવ્યું હતું.



રમેશભાઈની સૌથી મોટી 8 વર્ષીય  દીકરી યોગિતાનું વજન 76 કિલોથી ઘટીને 49 કિલો થયું છે 6 વર્ષની અમિષાનું વજન 82 કિલોથી ઘટીને 70 કિલો થયુ છે. જ્યારે ત્રીજા 4 વર્ષીય હર્ષનું વજન 25 કિલો છે. ડોક્ટરોએ તેનું ઓપરેશન કરવાની ના પડી હતી.

આ બે સુમો બેબીના વજનમાં ત્રીસ ટકા સુધીનો ઘટાડો થતાં બાળકોનો ચહેરો પણ થોડો બદલાયો હતો. તેઓ ચાલતા જોઈ પરિવારમાં ખુશીનો માહોલ સર્જાયો હતો.