ઠંડીનો પ્રકોપ / હવામાન વિભાગની આગાહી, આવતીકાલથી 6 રાજ્યોમાં 2 દિવસ સુધી રહેશે કોલ્ડ વેવની અસર

• આવતીકાલથી બદલાઈ શકે છે હવામાન
• લેહ અને કારગિલમાં આવશે હવામાનમાં પલટો
• ઠંડીની સાથે વરસાદ અને હિમવર્ષાની આગાહી

રવિવારે જમ્મૂમાં હવામાન સામાન્ય રહ્યું અને સાથે જ બપોરથી સૌથી વધારે તાપમાન 21.1 ડિગ્રી સેલ્સિયસ સુધી પહોંચ્યું હતું. તાપમાનમાં સતત વધારાની સાથે દિવસે અનેક લોકો સામાન્ય પહેરવેશમાં જોવા મળ્યા હતા. આ સાથે જ સાંજના સમયે તાપમાનમાં ઘટાડો પણ જોવા મળ્યો. ઠંડી પૂરી થવાના આરે હોવાના કારણે આ જગ્યાઓએ દુકાનમાં ગરમ કપડાંને પણ ડિસ્કાઉન્ટ રેટથી આપવામાં આવી રહ્યા છે. 

11 ફેબ્રુઆરીના બની રહ્યું છે નવુ ડિસ્ટર્બન્સ  સર્જાઈ રહ્યું છે જેમાં નવા ડિસ્ટર્બન્સથી પશ્ચિમી હિમાલય ક્ષેત્ર પ્રભાવિત થશે. આ ડિસ્ટર્બન્સને લઈને 6 રાજ્યોમાં 2 દિવસ કોલ્ડવેવની શક્યતા રાખવામાં આવી રહી છે. આ સાથે 4 રાજ્યોમાં કરા અને માવઠાનું અલર્ટ પણ જાહેર કરાયું છે. MP, છત્તીસગઢ, પંજાબ, હરિયાણા, પૂર્વોત્તર રાજસ્થાનમાં કોલ્ડવેવનું અલર્ટ આપવામાં આવ્યું છે. નાગાલેન્ડ-મણિપુરમાં કરા સાથે વરસાદની શક્યતા છે. હવામાન વિભાગે ઠંડીને લઇ આગાહી કરી છે જેમાં એક સપ્તાહ સુધી ઠંડીની રાહત ન મળવાના સંકેત છે. ત્યારબાદ 14 ફેબ્રુઆરીના તાપમાન ઘટવાનું શરૂ થશે. હવામાન વિભાગ દ્વારા ઓડિશામાં યલો એલર્ટ આપવામાં આવ્યું છે. 

કાશ્મીરના અનેક ભાગ શીત લહેરની અસર હેઠળ

જમ્મૂ કાશ્મીરમાં હવામાન સામાન્ય રહેવાના કારણે દિવસે તાપમાનમાં સુધારો આવ્યો હતો અને રાતના સમયે તાપમાનમાં ઘટાડો જોવા મળ્યો હતો. લેહ, ગુલમર્ગ, પહેલગામમાં હાડ થીજવતી ઠંડીએ લોકોને મુશ્કેલીમાં મુક્યા હતા. કાશ્મીરના અનેક જિલ્લા શીતલહેરની ઝપેટમાં છે. બરફ જેવી હવાના કારણે લોકો મુશ્કેલીમાં મૂકાયા છે. શ્રીનગર લેહ રાષ્ટ્રિય રાજમાર્ગને ફરી શરૂ કરવામાં સફળતા મળી નથી. કાશ્મીરના દરેક ભાગમાં રાતના સમયે તાપમાન શૂન્યથી પણ નીચે રહે છે.