અમીર અને ગરીબ વચ્ચેનું અંતર વધી રહ્યાના ઉઠી રહેલા સવાલો વચ્ચે એક ચોંકાવનારો ખુલાસો સામે આવ્યો છે. દેશમાં અમીરોની સંપત્તિ ભલે વધી રહી છે પરંતુ તેમની સંખ્યામાં ઘટાડો થયો છે. અમીરો (HNI) ની સંપત્તિનો વૃદ્ધિ દર 2018માં ઘટીને 9.62 ટકા રહી ગયો છે. જે એક વર્ષ પહેલા 13.45 ટકા હતો.
અમીર અને ગરીબ વચ્ચેનું અંતર વધવાને લઇને મોટો ખુલાસો
દેશમાં અમીરોની સંપત્તિ વધી રહી છે પરંતુ તેમની સંખ્યામાં ઘટાડો
2018માં મોટા અમીરોની સંખ્યા ઘટીને 2.56 લાખ રહી ગઇ
જોકે, અમીરો અથવા અરબપતિઓની સંખ્યામાં આ દરમિયાન ઘટાડો નોંધાયો છે. એક રિપોર્ટમાં આ તથ્યો સામે આવ્યા છે. કાર્વી વેલ્થ મેનેજમેન્ટની રિપોર્ટ અનુસાર, 2018માં મોટા અમીરોની સંખ્યા ઘટીને 2.56 લાખ રહી ગઇ છે. જે 2017માં 2.63 લાખ હતા.
રિપોર્ટમાં એક ચોંકાવનારી વાત સામે આવી છે કે આ અરબપતિઓેએ પોતાના સર્વાધિક રૂપિયા શેયર બજાર લગાવી રાખ્યા છે. એવા લોકો જેમની પાસે 10 લાખ ડોલર (લગભગ 7 કરોડ રૂપિયા)થી વધારેનું રોકાણ ક્વોલિફાઇડ સરપ્લસ છે, મોટા અમીરોની શ્રેણીમાં આવે છે.
રિપોર્ટમાં કહેવામાં આવ્યું છે કે આ અમીરોની પાસે 2018માં કુલ 430 લાખ કરોડ રૂપિયાની સંપત્તિઓ હતી. 2017માં તેમની પાસે 392 લાખ કરોડ રૂપિયાની સંપત્તિઓ હતી. આ રિપોર્ટ એવા સમયે આવી છે જ્યારે અમીર અને ગરીબ વચ્ચેનું અંતર વધવાને લઇને સવાલ ઉઠી રહ્યા છે. અમીર વધુ અમીર થઇ રહ્યા છે, જ્યારે ગરીબ વધુ ઝડપથી ગરીબ થઇ રહ્યા છે.
અરબપતિઓની કુલ સંપત્તિ પર એક નજર
દેશમાં અરબપતિઓની કુલ સંખ્યા
2.56 લાખ
અરબપતિઓની કુલ સંપત્તિ
430 લાખ કરોડ રૂપિયા
નાણાકીય સંપત્તિઓ
262 લાખ કરોડ રૂપિયા
અચલ સંપત્તિઓ
168 લાખ કરોડ રૂપિયા
ઇક્વિટીમાં રોકાણ
52 લાખ કરોડ રૂપિયા
એફડીમાં રોકાણ
45 લાખ કરોડ રૂપિયા
વિમામાં રોકાણ
34 લાખ કરોડ રૂપિયા
બેન્કમાં જમા રાશિ
34 લાખ કરોડ રૂપિયા
રિપોર્ટમાં કહેવામાં આવ્યું છે કે અમીરોની પાસે વર્તમાન સંપત્તિઓમાંથી 262 લાખ કરોડ રૂપિયાની નાણાકીય સંપત્તિઓ છે. જ્યારે બાકી અચલ સંપત્તિઓ છે. કુલ મળીને તેનો ગુણોત્તર 60:40 પર કાયમ છે. નાણાકીય સંપત્તિઓમાં સૌથી અધિક 52 લાખ કરોડ રૂપિયા સીધી ઇક્વિટી રોકાણના રૂપે છે. આ વર્ગમાં વૃદ્ધિ 2017ના 30.32 ટકાની તુલનામાં 2018માં ઘટીને 6.39 ટકા પર આવી ગઇ છે.
દેશના અમીરોએ સોનામાં 80 લાખ કરોડ રૂપિયાનું રોકાણ કર્યું છે. રિયલ એસ્ટેટ ક્ષેત્રમાં તેમનું રોકાણ 74 લાખ કરોડ રૂપિયા છે. એક વર્ષ પહેલા સંપત્તિમાં રોકાણ 10.35 ટકા હતો. જ્યારે 2018માં આ ઘટીને 7.13 ટકા રહી ગયો.