હસીન જહાંએ શૅર કર્યો વીડિયો
મોહમ્મદ શમી અને તેની પત્ની હસીન જહાંના લગ્નજીવનમાં થયેલો વિવાદ બધાને યાદ છે, હસીન જહાંએ પોતાના ઇન્સ્ટાગ્રામ પર એક વીડિયો શૅર કર્યો છે. જેમાં તે સૈફ અલી ખાન અને મમતા કુલકર્ણીની ફિલ્મ આશિક આવારાનું ગીત ગાઇ રહી છે. હસીનનો આ વીડિયો ખુબ વાયરલ થઇ રહ્યો છે.
લોકોએ કરી ટ્રોલ
ઇન્સ્ટાગ્રામ પર હસીન જહાંનો આ વીડિયો લોકો પસંદ કરી રહ્યાં છે તો કેટલાક લોકો અલગ અલગ પ્રકારની કમેન્ટ પણ કરી રહ્યાં છે. ઘણા લોકો તેને ટ્રોલ કરી રહ્યાં છે. આ પહેલી વાર નથી કે હસીન જહાંને ટ્રોલિંગનો સામનો કરવો પડ્યો હોય.
શમી અને હસીનનો શું હતો વિવાદ
2018માં શમી પર તેની પત્ની હસીન જહાંએ મારપીટ, રેપ અને હત્યાનો પ્રયત્ન તેમજ ઘરેલૂ હિંસા જેવા આરોપ લગાવ્યા હતા. હસીન જહાંએ શમી અને તેના ભાઇ વિરુદ્ધ કેસ ફાઇલ કરાવ્યો હતો. શમી વિરુદ્ધ 498 એ, 354 હેઠળ ફરિયાદ નોંધવામાં આવી છે. જ્યારે તેના ભાઇ હાસિદ અહમદ પર 354 કલમ હેઠળ કેસ નોંધવામાં આવ્યો હતો.
શમીના લગ્ન કોલકાતાની મૉડલ હસીન જહાં સાથે 6 જૂન 2014માં થયા હતા. હસીન એક મૉડલ હતી અને બાદમાં તે કોલકાતા નાઇટ રાઇડર્સની ચિયર લીડર બની હતી. આ દરમિયાન શમી અને હસીન એકબીજાને મન આપી બેઠા. શમીએ પરિવારની મરજી વિરુદ્ધ હસીન જહાં સાથે લ્ગન કર્યા. શમી 17 જુલાઇ 2015ના રોજ એક દીકરીનો પિતા પણ બન્યો હતો.
હસીને શમી સાથે બીજા લગ્ન કર્યા હતા
હસીન જહાંએ 2014માં શમી સાથે લગ્ન કર્યા બાદ મોડલિંગ છોડી દીધુ હતુ. શમીના કહ્યાં અનુસાર તેને ઘણુ પાછળથી જાણવા મળ્યુ કે આ હસીનના બીજા લગ્ન હતા. પહેલા પતિનું નામ સૈફુદ્દીન છે અને તે પશ્ચિમ બંગાળમાં સ્ટેશનરીની દુકાન ચલાવે છે. જ્યારે મિડીયા સૈફુદ્દીન પાસે પહોંચી તો તેણે કહ્યું કે બંને એકબીજાને 10મા ધોરણથી પ્રેમ કરતા હતા. તેમના લગ્ન 2002માં થયા અને તે લગ્નથી તેમને 2 દીકરીઓ પણ છે. 2010માં બંનેએ તલાક લઇ લીધા. સૈફુદ્દીનના કહ્યાં અનુસાર હસીન પોતાના પગ પર ઉભી થવા માંગતી હતી અને અમારા ઘરમાં મહિલાઓને નોકરી કરવાની મંજૂરી નથી હોતી એટલે તેણે છૂટાછેડા લઇ લીધા હતા.