મોતનું રહસ્ય / મહંત નરેન્દ્ર ગીરીના મોત પછીનો વીડિયો થયો વાયરલ, મૃતદેહ પંખા પર લટક્યો હતો તો પંખો ચાલુ કેમનો રહી શકે?

• મહંત નરેન્દ્ર ગીરીના મોત બાદનો વીડિયો થયો વાયરલ 
• વાયરલ વીડિયોમાં થયા ચોંકાવનારા ખુલાસા 
• વીડિયો વાયરલ થયા બાદ પોલીસે તપાસ તેજ કરી 

મહંત નરેન્દ્ર ગીરીની મોત બાદ એક પછી એક ચોંકાવનારા મામલો સામે આવી રહ્યા છે. સોશિયલ મીડિયા પર હાલ એક વીડિયો વારલ થયો જેને લઈને પોલીસ પણ હેરાન છે. વીડિયોમાં જમીન પર મહંત નરેન્દ્ર ગીરીનો મૃતદેહ પડેલો છે અને ઉપર પંખો ચાલી રહ્યો છે. તેવું દેખાઈ રહ્યું છે. આ વીડિયો સામે આવ્યા બાદ પોલીસે મામલે તપાસ તેજ કરી છે. 

1.45 મિનિટનો વીડિયો વાયરલ 

1.45 મિનીટના આ વીડિયો એજ રૂમનો છે જ્યાથી મહંતનું શબ મળ્યું છે. વીડિયોમાં ઉત્તરાઅધિકારી બલવીર ગિરી પણ ઉભેલા નજરે પડી રહ્યા છે. સાથેજ ફોટોગ્રાફર પણ ત્યા નજરે પડી રહ્યો છે. ત્યારબાદ કેમેરો નીચે પડેલી પથારી પર તેમજ રૂમમાં સજાવેલા સર્ટીફિકેટ પર દેખાઈ રહ્યો છે. 

વીડિયોમાં પંખો ચાલુ દેખાયો 

સૌથી નવાઈની વાતતો એ છે કે કેમરો જ્યારે પંખા તરફ જાય છે ત્યારે પંખો ચાલુ નજરે પડી રહ્યો છે. સાથેજ તેના પર પીળા કલરની નાયલોન દોરી પણ દેખાઈ રહી છે. જેના પર મહંતે આત્મહત્યા કરી હતી. વીડિયોમાં આઈજી કેપી સિંહ પણ દેખાઈ રહ્યા છે જેઓ ત્યા મહંતના શિષ્યો સાથે પૂછપરછ કરતા નજરે પડી રહ્યા છે. 

જે દોરીથી ફાંસી ખાદી તેના ત્રણ ટુંકડા 

જોકે આ વીડિયો સામે આવ્યા બાદ એ સવાલ ઉઠી રહ્યા છે. કે જે દોરી વડે મહંતે ફાંસી ખાધી હતી તે દોરીના ત્રણ ટુકડા થયા કેવી રીતે . કારણકે દોરીના બે ટુકડા થયા હતા તેવી માહિતી સામે આવી હતી. જ્યારે વીડિયોમાં તેના ત્રણ ટુકડા દેખાઈ રહ્યા છે. 

વાયરલ વીડિયોને લઈને ઉઠ્યા સવાલો 

ઉલ્લેખનીય છે કે સોશિયલ મીડિયામાં હાલ જે વીડિયો વાયરલ થયો છે તેને લઈને ઘણા સવાલો થઈ રહ્યા છે કારણકે સૌથી પહેલા દોરીનો એક ભાગ પંખામાં લાગેલો દેખાયો છે. બીજો ભાગ મહંતના ગળાના ભાગે જોવા મળી રહ્યો છે. સાથેજ ત્રીજો એક ભાગ પણ રૂમમાં જોવા મળી રહ્યો છે. જેને લઈને સવાલો ઉભા થઈ રહ્યા છે.