પ્રશંસા / કોંગ્રેસના આ દિગ્ગજ નેતાએ મોદી સરકારની કરી વાહવાહી, કહ્યું કટોકટીમાં દેશને એકજૂટ રાખ્યો

• કોંગ્રેસ ના નેતા આનંદ શર્માએ કરી મોદી સરકારની પ્રશંસા 
• ઇન્ફ્રાસ્ટ્રકચર વિકાસ માટે મોદી સરકારને અભિનંદન આપ્યા 
• કોંગ્રેસ લીડર શર્મા પાર્ટીના વરિષ્ઠ 23 અસંતુષ્ટ નેતાઓ માંથી એક હતા 

વધુમાં તેમણે જણાવ્યું કે કટોકટીના સમયમાં દેશ એક થઈને રહ્યો. તેમણે કહ્યું, "ભારત એ તેના માળખાગત સુવિધામાં વધારો કર્યો છે અને હું આ માટે કેન્દ્ર અને રાજ્ય સરકારોને અભિનંદન આપું છું કારણ કે તેઓએ આ માટે સાથે મળીને કામ કર્યું હતું." તે સમયે દેશ કટોકટીમાં હતો.

તેમણે વધુમાં કહ્યું કે, બીજા ક્વાર્ટરમાં ભારત એ બાઉન્સ કર્યું. પ્રથમ ક્વાર્ટર અર્થતંત્ર માટે સૌથી ખરાબ હતું, કારણ કે તેનાથી GDP પર વિપરીત અસર પડી હતી. શર્માએ કહ્યું કે અમને આશા છે કે અન્ય બે ક્વાર્ટર્સમાં પણ રિકવરીનું બેલેન્સ રહેશે. મહત્વનું છે કે ભારતીય અર્થવ્યવસ્થા એપ્રિલથી જૂન ક્વાર્ટર  માં 23% ઘટી છે, જ્યારે સપ્ટેમ્બર ક્વાર્ટરમાં તે ઘટાડો ઘટીને 7.5% નો જ રહી ગયો હતો. 

શર્માએ રસી માટે મોદી સરકારની પ્રશંસા કરી છે

આ પહેલીવાર નથી જ્યારે પૂર્વ કેન્દ્રીય પ્રધાન અને કોંગ્રેસ નેતા આનંદ શર્માએ મોદી સરકારની પ્રશંસા કરી છે. આ અગાઉ આનંદ શર્માએ તાજેતરમાં જ રસીની તૈયારીઓની સમીક્ષા કરવા માટે વડા પ્રધાન નરેન્દ્ર મોદીની પ્રશંસા કરી હતી. તેમણે કહ્યું હતું કે વડા પ્રધાન નરેન્દ્ર મોદીની સીરમ સંસ્થા, ભારત બાયોટેક અને ઝાયડસ કેડિલાની મુલાકાતથી ભારતીય વૈજ્ઞાનિકો અને કોરોના સામેની રસી ઉત્પન્ન કરવાના તેમના કાર્યને માન્યતા મળી છે.

ફ્રન્ટલાઈનના કોરોના યોદ્ધાઓને આ કાર્યથી દ્વારા વધુ પ્રોત્સાહન મળશે. જો કે, બાદમાં તેણે પોતાની ટ્વીટ બદલ દુ: ખ વ્યક્ત કર્યું હતું. તેમણે ટ્વિટ કર્યું હતું કે પ્રથમ ટ્વિટમાં લાઈનો ખોટી ગઈ હતી, જેના પરિણામે થોડી મૂંઝવણ ઊભી થઈ હતી.

કોંગ્રેસ નું સત્તાવાર સ્ટેન્ડ જુદું હતું

રસી માટે SII , ભારત બાયોટેક અને ઝાયડસ કેડિલા ની મુલાકાત અંગે કોંગ્રેસનું સત્તાવાર વલણ આનંદ શર્મા કરતા તદ્દન અલગ હતું. પાર્ટીએ વડા પ્રધાનના આ પગલાંને ફોટો સેશન તરીકે ગણાવ્યું હતું. રણદીપ સુરજેવાલાએ કહ્યું હતું કે વડાપ્રધાન આ કંપનીઓ ઑફિસમાં જઈ રહ્યા છે અને ફોટોગ્રાફ્સ લઈ રહ્યા છે જ્યારે કે લાખો ખેડૂતો દિલ્હીના માર્ગો પર દેખાવો કરી રહ્યા છે.

આનંદ શર્મા અસંતુષ્ટ 23 નેતાઓ માંથી એક હતા

આનંદ શર્મા 23 નારાજ નેતાઓના એક જૂથનો ભાગ હતો જેમણે આ વર્ષની શરૂઆતમાં પાર્ટી અધ્યક્ષ સોનિયા ગાંધીને પત્ર લખ્યો હતો. જેમાં કોંગ્રેસની અંદર સંગઠનમાં સંપૂર્ણ પરિવર્તન લાવવાની હાકલ કરી હતી. તે જ સમયે, શનિવારે, સોનિયા ગાંધીએ આનંદ શર્મા સહિતના તમામ નેતાઓની એક બેઠક યોજી હતી, જેનો હેતુ વર્તમાન સંકટને સમાપ્ત કરવાનો હતો.