વડોદરા / વાઘોડિયામાં છૂત-અછૂતનો કિસ્સો બનતા વાલ્મિકી સમાજ દ્વારા કલેક્ટરને આપાયું આવેદનપત્ર

ફરી એકવાર સરકારની નીતિઓના લીરેલીરા ઉડાવતો કિસ્સો સરકારની જ ઈન્સ્ટિટ્યૂટમાં સામે આવ્યો છે. જેણે સાબિત કરી બતાવ્યું છે કે, આજે પણ ભાજપ સરકારના રાજમાં સરકારી સંસ્થાઓમાં આભડછેડ જીવી રહી છે. આવી જ એક ઘટના વડોદરાના વાઘોડિયામાં સામે આવી છે. 

• સરકારની નીતિઓના લીરેલીરા ઉડાવતો કિસ્સો
• સરકારી સંસ્થામાં જ સફાઇ કર્મીનું જાહેરમાં અપમાન
• વીડિયો વાયરલ થતાં વાલ્મિકી સમાજમાં રોષ

જ્યાં આદિવાસી વિદ્યાર્થીઓ માટે ચાલતી ડ્રાઈવિંગ ઈન્સ્ટિટ્યૂટમાં સફાઈ કામદારોનું આભડછેટના દૂષણના કારણે જાહેરમાં અપમાન કરાયું. જેનો વીડિયો સામે આવ્યો છે. આ વીડિયોમાં સ્પષ્ટ પણ જોઇ પણ શકાય છે અને સાંભળી પણ શકાય છે કે, કેવી રીતે એક મહિલા સફાઈકર્મીને રોકી રહી છે. 

સફાઇ કર્મીનું કરાયું અપમાન 

નોંધનીય છે કે, સફાઇ કર્મીને એવું મેણુ પણ મારવામાં આવી રહ્યું છે કે, અંદર સાહેબો બેસે છે. જેથી તમને અડવા પર મારે નહાવું પડે છે. જેથી તમારે લોકોએ કેન્ટીનમાં આવવું નહીં. આવું કહેતા જ વાલ્મિકી સમાજમાં ભારે રોષ ફેલાયો છે. કારણ કે, એક તરફ સરકાર આભડછેટના દૂષણને ડામવાની વાતો કરે છે. તમામ નાગરીકોને સમાન અધિકાર આપવાની વાતો કરે છે. 

વાલ્મિકી સમાજમાં રોષ 

જ્યારે સરકારની જ ઈન્સ્ટિટ્યૂટમાં છૂત-અછૂતનું દૂષણ ઘર કરીને બેઠું છે. જોકે આ ઘટના બાદ વાલ્મિકી સમાજે કલેક્ટરને આવેદન પત્ર પાઠવી પોતાની રજૂઆત કરી છે. પરંતુ સવાલ તો એ છે કે, ક્યાં સુધી આ પ્રકારનું દૂષણ સમાજમાં લોકોને વિભાજીત કરતું રહેશે..? 

સરકાર આ સંસ્થા સામે કરશે કડક કાર્યવાહી ?

શું સરકારની જ ઈન્સ્ટિટ્યૂટોમાં આ દૂષણ ચાલી રહ્યું છે ? શું આવી રીતે સરકાર આભડછેટને દૂર કરવાના પાઠ ભણાવી રહી છે..? શા માટે આવા લોકોને કેન્ટીનનો કોન્ટ્રાક્ટ અપાયો? આવા અનેક સવાલો ઉઠી રહ્યા છે. ત્યારે જોવાનું એ રહેશે કે, સરકાર આવી ઈન્સ્ટિટ્યૂટ સામે ક્યારેક કડક હાથે કાર્યવાહી કરે છે.