Coronavirus / અમેરિકાએ કોરોનાગ્રસ્ત દર્દીને સાજા કરવા એવા વ્યક્તિનું બ્લડ ચઢાવી રહ્યા છે કે જાણીને ચોંકી જશો

• અમેરિકાએ કર્યો ‘કોનવાલેસ્સેન્ટ સીરમ થેરાપી’નો પ્રયોગ 
• આ થેરાપીનો ઉપયોગ 1918માં સ્પેનિશ ફ્લૂ માટે થયેલો 
• કોરોનામાંથી સાજા થયેલા દર્દીના બ્લડ પ્લાઝમાં કોરોના ગ્રસ્તને ચઢાવાયા

અમેરિકાએ કંઈક આવું કર્યુ

અમેરિકાના હ્યૂસ્ટનમાં એક મુખ્ય હોસ્પિટલમાં કોવિડ-19માંથી સાજા થયેલા દર્દીનું લોહી બીજા ગંભીર રીતે કોરોનાના દર્દીને ચઢાવવામાં આવ્યું અને આ પ્રકારનો પ્રયોગ કરનાર આ પહેલી હોસ્પિટલ બની છે. કોરોના વાયરસમાંથી ઊભર્યા બાદ 2 અઠવાડીયા તબિયત સારી રહ્યા બાદ એક વ્યક્તિએ બ્લડ પ્લાઝમા દાનમાં આપ્યા છે. આ બ્લડ પ્લાઝમા હ્યૂસ્ટન મેથોડિસ્ટન હોસ્પિટલમાં ‘કોનવાલેસ્સેન્ટ સીરમ થેરપી’ માટે કરવામાં આવશે. સારવારી આ રીત 1918માં ‘સ્પેનિશ ફ્લૂ’ મહામારી સમયે વાપરવામાં આવી હતી.

અમેરિકામાં 2 લાખ લોકોના જીવ જવાની શંકા વ્યક્ત કરી

ઉલ્લેખનીય છે અમેરિકાના વરિષ્ઠ વૈજ્ઞાનિક ડૉ. એન્થની ફૉસીએ રવિવારે શંકા વ્યક્ત કરતા સંયુક્ત રાજ્ય અમેરિકામાં 1થી 2 લાખ લોકોના જીવ જવાની શંકા વ્યક્ત કરી છે. સાથે સાથે એમ પણ કહ્યું છે  કે આ આશંકા અત્યારની સ્થિતિને જોતા વ્યક્ત કરી છે.

અમેરિકામાં મરનારાની સંખ્યા2,484 થઈ ગઈ છે

અમેરિકામાં જે રીતે કોરોનાના દર્દીઓની તથા આ વાયરસને લીધે મરનારાની સંખ્યામાં વધારો થઈ રહ્યો છે તે ચિંતાજનક છે. અમેરિકામાં આજે સવાર સુધીમાં મરનારાની સંખ્યા2,484 થઈ ગઈ છે. જ્યારે કોરોનાગ્રસ્તની સંખ્યા 142,070 થઈ ગઈ છે. અમેરિકામાં મરનારાઓમાં 25 ટકા તો માત્ર ન્યૂયોર્કના જ છે. જેને પગલે સ્થાનીક નેતાઓના દબાણ અને  ભયાનક માહોલને પગલે ટ્રમ્પે અહીં લોકડાઉન જાહેર કર્યુ હતુ.