કેન્દ્રીય મંત્રી પ્રકાશ જાવડેકરે આજે એક પ્રેસ કોન્ફેરન્સમાં જાણકારી આપી હતી કે ભારત દુનિયામાં હાલ એક માત્ર એવો દેશ છે કે જયાં એકી સાથે ચાર કોરોના વેક્સિન ટૈયાર થઇ રહી છે. મહત્વનું છે કે આ ચાર વેક્સિનમાં કોવીશીલ્ડ, ઝાય-કોવ-ડી, ફાઇઝર અને કોવાકસિન સામેલ છે.
ભારત દુનિયાનો એકમાત્ર એવો દેશ કે જ્યાં એકી સાથે 4 વેક્સિન બની રહી છે : જાવડેકર
ભારતમાં કોવિશીલ્ડ વેક્સિનને મળી છે મંજૂરી
ભારતમાં કોવીશીલ્ડ રસીને ઇમર્જન્સી ઉપયોગ માટેની મંજૂરી મળી જતા કેન્દ્રીય મંત્રી પ્રકાશ જાવડેકરે પ્રસન્નતાની લાગણી દર્શાવી હતી અને આ પહેલા કેન્દ્રીય સ્વાસ્થ્ય મંત્રી ડો હર્ષવર્ધને પણ દાવો કર્યો હતો કે કોરોના રસી માત્ર દિલ્હીમાં જ નહિ પરંતુ દરેક ભારતીયને મફતમાં આપવામાં આવશે અને એના બદલે કોઈ પણ ચાર્જ નહિ લેવામાં આવે.જો કે સાથે તેમણે એવી સ્પષ્ટતા પણ કરી હતી કે હાલમાં પ્રથમ ચરણમાં ત્રણ કરોડ લોકોને વેક્સિનનો ડોઝ આપવામાં આવશે.
India is perhaps the only country where four vaccines are getting ready. Serum's Covishield was yesterday approved for emergency use: Union Minister Prakash Javadekar. pic.twitter.com/IelEQP6VZK
મહત્વનું છે કે દેશભરમાં શનિવારથી કોરોના વેક્સિન ની પૂર્વ તૈયારીના ભાગરૂપે ડ્રાયરનનો બીજો તબક્કો શરુ થઇ ગયો છે અને આ કામગીરી માટે દેશભરમાં અલગ અલગ રાજ્યોમાં કેન્દ્ર બનાવવામાં આવ્યા છે અને આ કામગીરીમાં ટ્રેઈન્ડ સટાફ સામેલ થનાર છે. મહત્વનું છે કે આ અભ્યાસનો પહેલો તબક્કો 28 - 29 ડિસેમ્બરે શરુ થયો હતો જેમાં પંજાબ, ગુજરાત, આંધ્ર પ્રદેશ અને આસામમાં આ કાર્યવાહી કરવામાં આવી હતી.
શું છે કોવીશીલ્ડ વેક્સિન?
બ્રિટનની ઓક્સફોર્ડ યુનિવર્સીટી અને ફાર્મા કંપની એસ્ટ્રાઝેનેકાની ભાગીદારીથી આ રસીનું નિર્માણ થયું છે, જ્યારથી કોરોના વાયરસની ઓળખાન થઇ ત્યારથી જ ઓક્સફોર્ડ અને એસ્ટ્રાઝેનેકાના સંશોધકો આ વાયરસની વેક્સિન બનાવવામાં લાગી ગયા હતા. આ રસી ઇનએક્ટિવેટેડ વાયરસની મદદથી બનાવાયેલી છે.
In 1st phase of #COVID19Vaccination free #vaccine shall be provided across the nation to most prioritised beneficiaries that incl 1 crore healthcare & 2 crore frontline workers
Details of how further 27 cr priority beneficiaries are to be vaccinated until July are being finalised pic.twitter.com/K7NrzGrgk3
આ રસીમાં ચિમ્પાન્ઝીના વાયરસના પ્રોટીન સ્પાઇક્સનો ઉપયોગ કરવામાં આવ્યો છે. આ ફાઇઝર અને મોડર્ના કંપનીની mRNA પ્રકારની રસી કરતા અલગ છે અને તેના પ્રકારને લીધે તે સામાન્ય એવા 2 થી 8 ડિગ્રીના તાપમાને પણ સ્ટોર કરી શકાય છે. દુનિયાની સૌથી મોટી વેક્સીન નિર્માતા કંપની SII એ આ રસીના નિર્માણ માટે ઓક્સફોર્ડ અને એસ્ટ્રાઝેનેકા કંપની સાથે કરાર કર્યો હતો.
'વેક્સિન ઓફ વર્લ્ડ' છે કોવિશીલ્ડ વેક્સિન
સીરમ સંસ્થાએ જે કરાર કર્યા હતા તેના અનુસાર આ રસીના ભારતમાં પણ ટ્રાયલ કરવામાં આવ્યા હતા, અને આ સિવાય આ રસીના બ્રિટન અમેરિકા વગેરે દેશોમાં પણ ટ્રાયલ કરવામાં આવ્યા હતા. સસ્તી હોવાને લીધે ઓક્સફોર્ડ વેક્સિન સરકારની સૌથી મોટી આશા છે. કંપનીનું કહેવું છે કે તે પોતાના ઘરેલુ બજાર પર ફોકસ આપશે. ત્યારબાદ તે દક્ષિણ એશિયાના દેશો તથા આફ્રિકાને એક્સપોર્ટ કરવામાં આવશે. આ વેક્સિનને 'વેક્સિન ઓફ વર્લ્ડ' પણ કહેવામાં આવે છે.