કૃષિ કાયદા / કેન્દ્રીય મંત્રી બોલ્યાં, ખેડૂત આંદોલન પાછળ ચીન અને પાકિસ્તાનનો હાથ છે

મોદી સરકારના મંત્રીએ આપ્યું વિવાદિત નિવેદન 
કૃષિ કાયદાની વિરુદ્ધ ચાલી રહેલા ખેડૂત આંદોલનને લઈને આપ્યું નિવેદન 
કેન્દ્રીય મંત્રી રાવ સાહેબ દાનવેએ કહ્યું , "આંદોલન પાછળ ચીન અને પાકિસ્તાનનો હાથ"

મોદી સરકારમાં કેન્દ્રીય પ્રધાન રાવ સાહેબ દાનવે એ બુધવારે ઔરંગાબાદમાં કહ્યું હતું કે દિલ્હી નજીક ચાલી રહેલા ખેડૂત આંદોલનમાં પાકિસ્તાન અને ચીનનો હાથ છે. જલના તાક્તે કોલ્ટેગાંવના પ્રાથમિક આરોગ્ય કેન્દ્રના ઉદઘાટન સમારોહમાં કેન્દ્રીય પ્રધાન રાવ સાહેબ દાનવે મુખ્ય મહેમાન તરીકે પહોંચ્યા હતા અને ખેડૂત આંદોલન ની પાછળ ભારતના પાડોશી દેશોનો હાથ હોવાનો આરોપ લગાવ્યો હતો. 

આંદોલનની પાછળ ચીન એન પાકિસ્તાનનો હાથ છે : કેન્દ્રીય મંત્રી 

કૃષિ કાયદા સામે ખેડૂતો નું આંદોલન ચાલુ છે. સરકાર અને ખેડૂતો વચ્ચે સંઘર્ષ પણ વધી રહ્યો છે. દરમિયાન કેન્દ્રીય મંત્રી રાવ સાહેબ દાનવે એ ખેડૂત આંદોલન અંગે નિવેદન આપ્યું છે. ભાજપના નેતા રાવ સાહેબ દાનવેએ આ આંદોલન પાછળ ચીન અને પાકિસ્તાનનો હાથ હોવાનું જણાવ્યું છે.

મહત્વનું છે કે કૃષિ કાયદાના વિરોધમાં ખેડૂતો 14 દિવસથી દિલ્હી બોર્ડર પ્રદર્શન કરી રહ્યા છે. સરકાર અને ખેડૂતો વચ્ચે અત્યાર સુધીમાં પાંચ રાઉન્ડની વાટાઘાટો થઈ છે. બધી વાતચીત અનિર્ણિત હતી. આજે છઠ્ઠા રાઉન્ડની વાતચીત થવાની હતી, પરંતુ તે પહેલા મંગળવારે સાંજે ગૃહમંત્રી અમિત શાહે ખેડૂત નેતાઓ સાથે મુલાકાત કરી હતી. આ વાતચીત પરિણામ વગરની રહી હતી. જ્યાર બાદ ખેડૂત આગેવાનોએ આજે ​​યોજાનારી વાટાઘાટો મુલતવી રાખવા જણાવ્યું હતું.

સરકારે મોકલેલો પ્રસ્તાવ ખેડૂતોએ ફગાવ્યો 

ગઈકાલની બેઠકમાં નિર્ણય લેવાયો હતો કે સરકાર MSP અને APMC અંગેની દરખાસ્ત લેખિતમાં ખેડૂતો ને મોકલશે. તે આજે સરકાર દ્વારા મોકલવામાં આવ્યો હતો, પરંતુ ખેડૂતો એ તેને સ્વીકાર્યું નહોંતુ, આમ સરકાર જ્યાં કાયદાઓને પરત નહીં ખેંચવા મક્કમ છે, ત્યારે સામે પક્ષે ખેડૂતો પણ કાયદા રદ્દ કરાવવા અડગ છે.