બોલિવૂડના એક કાસ્ટિંગ ડિરેક્ટર પર ટીવી એક્ટ્રેસે બળાત્કારનો આરોપ લગાવ્યો છે. વૅબ સિરીઝમાં અભિનય કરતી આ અભિનેત્રીએ કાસ્ટિંગ ડિરેક્ટર આયુષ તિવારી પર ગંભીર આરોપ લગાવ્યો છે.
મનોરંજન જગતમાં ખળભળાટ
ટીવીની અભિનેત્રીએ લગાવ્યો દુષ્કર્મનો આરોપ
મુંબઇ પોલિસે કેસ નોંધીને તપાસ કરી શરૂ
એક્ટ્રેસના નિવેદન પર વર્સોવા પોલિસ સ્ટેશનમાં આયુષ તિવારી વિરુદ્ધ ફરિયાદ નોંધવામાં આવી છે. આઇપીસીની કલમ 376 હેઠળ કેસ નોંધવામાં આવ્યો છે અને તપાસ શરૂ કરી દેવામાં આવી છે.
શું કરી ફરિયાદ
વર્સોવા પોલિસના કહેવા અનુસાર, અભિનેત્રીએ પોતાની ફરિયાદમાં કહ્યું કે કાસ્ટિંગ ડિરેક્ટરે તેને લગ્નની લાલચ આપીને તેની સાથે રેપ કરતો રહ્યો. 2 વર્ષ સુધી તેણે દુષ્કર્મ આચર્યા બાદ તે ફરી ગયો. આ વાતથી ઇન્ડસ્ટ્રીમાં ખળભળાટ મચી ગયો છે.
26 નવેમ્બરે એક્ટ્રેસે ફરિયાદ નોંધાવી હતી. જો કે આરોપી પર કોઇ પણ પ્રકારની એક્શન લેવામાં આવી નથી, એક્ટ્રેસની ફરિયાદ પર તપાસ શરૂ કરી દેવામાં આવી છે.