વાસ્તવિકતા / દુલ્હનના ફોટોશૂટ વખતે દુલ્હાએ મારી થપ્પડ, વાયરલ વીડિયોનું સત્ય આવ્યું બહાર

• સોશ્યલ મિડીયા પર વાયરલ છે વીડિયો 
• દુલ્હનના ફોટા પાડવા પર માર્યો તમાચો 
• વાયરલ વીડિયોનું સત્ય આવ્યું સામે

I just love this Bride 👇😛😂😂😂😂 pic.twitter.com/UE1qRbx4tv

— Renuka Mohan (@Ease2Ease) February 5, 2021

શું છે વીડિયોમાં 
આ વીડિયોમાં એક વરરાજા વેડિંગ ફોટોશૂટ દરમિયાન ફોટોગ્રાફરના માથા પર એક જોરદાર થપ્પડ ચોડી દે છે. દુલ્હનની અલગ અલગ એન્ગલથી તસવીર ખેંચી રહ્યો હોય છે. તે બાદ દુલ્હન જોર જોરથી હસવા લાગે છે. 

ગયા અઠવાડિયે આ વીડિયોને ટ્વિટર પર શૅર કરવામાં આવ્યો હતો. 45 સેકન્ડની આ વીડિયો ક્લિપને લગભગ એક મિલિયન વાર જોવામાં આવી છે. આ વીડિયોએ લોકોને અસમંજસમાં મુકી દીધા છે કે આ કેટલો વાસ્તવિક છે. 

વીડિયો ખુબ જ શાંત અને સરળ રીતે શરૂ થાય છે. જ્યારે ફોટોગ્રાફર ફોટોશૂટ માટે સ્ટેજ પર ચડે છે પરંતુ પરેશાની ત્યારે શરૂ થાય છે જ્યારે ફોટોગ્રાફર દુલ્હનની સોલો ફોટોગ્રાફી શરૂ કરે છે. એક બે ફોટો લીધા બાદ દુલ્હનના એન્ગલ બતાવવા માટે તે આજુ બાજુ ફરે છે અને આ જ વાત વરરાજાને પરેશાન કરી દે છે. તે ફોટોગ્રાફરને મારે છે અને સ્ટેજ પરથી નીચે ઉતારી દે છે. 

ફોટોગ્રાફરથી નારાજ વરરાજા હોય છે પરંતુ આ ઘટના બાદ દુલ્હન ખળખળાટ હસી પડે છે. આ વીડિયો ટ્વિટર પર રેણુકા નામની વ્યક્તિએ શૅર કર્યો છે અને લખ્યું કે મને આ દુલ્હન સાથે પ્રેમ થઇ ગયો છે. સોશ્યલ મિડીયા પર પોસ્ટ કર્યા બાદ 9 લાખથી વધુ વાર જોવાઇ ચૂક્યો છે. 

કમેન્ટ બોક્સમાં રેણુકાએ લખ્યું કે મને નથી ખબર આ વીડિયો વાસ્તવિક છે કે ફેક. દુલ્હને વરરાજા સાથે પ્રેંક કર્યો છે કે શું છે પરંતુ આ દુલ્હન સાથે મને પ્રેમ છે. 

છત્તીસગઢની એક્ટ્રેસ અનિકૃતિ ચૌહાણે જણાવ્યું કે આ મારી ફિલ્મના શૂટિંગનો વીડિયો છે. તેણે તે પણ જણાવ્યું કે આ તેની ફિલ્મ ડાર્લિંગ પ્યાર જુકતા નહી દરમિયાન શૂટ કરવામાં આવ્યો હતો. આ વીડિયોને વાયરલ કરવા માટે રેણુકાને આભાર.