કોવિડ વેક્સિન / ત્રીજા ફેઝ્નું ટ્રાયલ ચાલુ છે, છતાં આ કંપનીએ ભારતમાં કોરોના રસીનું ઉત્પાદન શરુ કર્યું 

• ભારતમાં કોરોના રસીનું ઉત્પાદન શરૂ થયું 
• સીરમ કંપનીએ કોવિડ વેક્સિન બનાવવાનું શરૂ કર્યું 
• સીરમ ઇન્સ્ટિટ્યૂટ ઓફ ઈન્ડિયા વિશ્વની સૌથી મોટી કંપની 

સીરમ ઇન્સ્ટિટ્યૂટ ઓફ ઈન્ડિયા એ ભારતમાં કોવિડ -19 રસીનું ઉત્પાદન હાલમાં શરુ કરી દીધું છે. રસી ઉત્પાદન કરવાની બાબતમાં સીરમ ઇન્સ્ટિટ્યૂટ ઓફ ઇન્ડિયા વિશ્વની સૌથી મોટી કંપની છે. ભારતમાં હલ આ જ કંપની ઓક્સફર્ડ યુનિવર્સિટી ની રસીનું હ્યુમન ટ્રાયલ ચલાવી રહી છે. 

એસ્ટ્રાઝેનેકા સાથે સીરમ  ઇન્સ્ટિટ્યૂટ ઓફ ઇન્ડિયા નું  જોડાણ

પુણેમાં સીરમ ઇન્સ્ટિટ્યૂટ ઓફ ઈન્ડિયા ઓક્સફર્ડ યુનિવર્સિટી ના રસી પ્રોજેક્ટમાં સહયોગ કરી ચૂકી છે. જો ઓક્સફર્ડ ની રસી સફળ થાય છે, તો ભારતમાં તેની ઉપલબ્ધતામાં કોઈ મુશ્કેલી નહીં પડે. આ કંપનીએ એસ્ટ્રાઝેનેકા નામની કંપની સાથે જોડાણ કર્યું છે જે ઓક્સફર્ડ યુનિવર્સિટી સાથે મળીને રસી વિકસાવી રહી છે. 

મીડિયામાં એવા અહેવાલો પ્રાપ્ત થયા છે કે ઓક્સફર્ડની સાથે સીરમ ઇન્સ્ટિટ્યૂટ ઓફ ઈન્ડિયા રસીના 100 મિલિયન ડોઝનું ઉત્પાદન કરશે. તેમાંથી 50 ટકા ભારત માટે અને 50 ટકા ગરીબ અને મધ્યમ આવકવાળા દેશો બનશે. 

અદર પૂનાવાલા કોણ છે ? 

અદર પૂનાવાલા હાલમાં સીરમ ઇન્સ્ટિટ્યૂટ ઓફ ઈન્ડિયા ના CEO છે. તેમના પિતા ડો. સાયરસ પૂનાવાલાએ વર્ષ 1966 માં સીરમ ઇન્સ્ટિટ્યૂટ ઓફ ઈન્ડિયા  ની સ્થાપના કરી હતી. આ કંપની પૂનાવાલા ગ્રુપનો ભાગ છે. અદર પૂનાવાલાએ યુનિવર્સિટી ઓફ વેસ્ટમિંસ્ટર, યુનાઇટેડ કિંગડમમાંથી અભ્યાસ કર્યો છે. અદર પૂનાવાલા 2001 માં તેના પિતાની કંપનીમાં જોડાયા. માનવામાં આવે છે કે સીરમ કંપનીના અને તેના આંતરરાષ્ટ્રીય વિકાસને વધુ આગળ વધારવામાં તેમનો મોટો ફાળો છે. 2011 માં, તેઓ કંપનીના CEO બન્યા હતા.