તેલ સસ્તુ થયું / મોંઘવારીના માર વચ્ચે રાહતના સમાચાર! ખાદ્ય તેલના ભાવમાં ફરી થયો ઘટાડો

ખાદ્ય તેલના ભાવમાં ફરી ઘટાડો જોવા મળ્યો છે. છેલ્લા ત્રણ દિવસમાં સિંગતેલના ભાવમાં 15 કિલોના ડબ્બાએ 40 રૂપિયાનો ઘટાડો થયો છે.. સિંગતેલના 15 કિલોના ડબ્બાનો ભાવ 2300 રૂપિયા પર પહોંચ્યો છે.. ગત દિવાળીથી અત્યાર સુધીમાં 15 કિલોના સિંગતેલના ડબ્બાનો ભાવ 300 રૂપિયા ઘટ્યો છે.

રાજકોટમાં માર્કેટીંગયાર્ડમાં મગફળીની ભરપૂર આવક થઇ રહી છે.. છેલ્લા ચાર દિવસમાં 12900 ક્વિન્ટલ મગફળીની આવક થઇ છે તે જોતા આગામી સમયમાં સિંગતેલના ભાવ હજુ વધારે ઘટે તેવી સંભાવના દર્શાવાઇ રહી છે.

આ પણ વાંચોઃ અમદાવાદમાં AUDAની મોટી કાર્યવાહી, 750 ઇમારતોને ફટકારી દીધી નોટિસ

કપાસિયા તેલના ભાવ પણ હાલ 2200 થી 2280 રૂપિયા પર પહોંચ્યા છે.. તો સોયાબીન તેલના ભાવ પણ 15 કિલોના ડબ્બાએ 2250 થી 2300 રૂપિયા જોવા મળી રહ્યા છે. જ્યારે સનફલાવર ઓઇલના ભાવ 15 કિલોના ડબ્બાએ 2 હજાર રૂપિયાથી લઇને 2150 રૂપિયા જેટલા જોવા મળી રહ્યા છે.. ઓવરઓલ બધા તેલના ભાવમાં હાલ ઘટાડો નોંધાયો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ