દિવાળીમાં આવતા પુષ્ય નક્ષત્રમાં લોકો ગોલ્ડ અને સિલ્વર ખરીદવાનું શુભ માનતા હોય છે, પરંતુ મંદીના માહોલના લીધે લોકો લાઈટ વેઈટ જ્વેલરી વધુ ખરીદવાનો ટ્રેન્ડ વધ્યો છે, જેમાં પેન્ડેન્ટ સેટ, રીંગ, લકી જેવી મોટી ડિઝાઈનનાં ઘરેણાં કે જેમાં ડિઝાઈન મોતી અને સોનાનું પ્રમાણ ઓછું હોય તેવી જ્વેલરી ઉપરાંત મોતી, જડતર, રોઝ ગોલ્ડ તેમજ એિન્ટક જ્વેલરી જેવી તમામ જ્વેલરી ડિમાન્ડમાં છે.આજે પુષ્ય નક્ષત્ર છે.
લાઇટ વેઇટ આભૂષણોનો ટ્રેન્ડ
મહામુહૂર્ત પુષ્ય નક્ષત્ર ૨૪ કલાક ૪૦ મિનિટ
મોતીના ફિટંગ સાથેની જ્વેલરી આકર્ષણનું કેન્દ્ર
આ વખતે મહામુહૂર્ત પુષ્ય નક્ષત્ર ૨૪ કલાક ૪૦ મિનિટ રહેશે.આ અવસર પર સોનાના ઘરેણાં, ખાતા વહીની સાથે નવીન વસ્તુઓની ખરીદી કાયમી ફળ પ્રદાન કરે તેવી માન્યતા છે.
કોરોનાકાળમાં અને સોના-ચાંદીના ભાવ લોકોનાં ખિસ્સાંને પોસાય તેવા ન હોવાથી હાલમાં શુકનની ખરીદી માટે લાઈટ વેઇટ અત્યંત હલકીફુલકી ડિઝાઈનર જ્વેલરી બુક કરાવી રહ્યા છે. હવે દિવાળીનો માહોલ જામ્યો છે. બજારમાં લોકોની ખરીદી માટે ભીડ જામી છે તથા જ્વેલરીના વિવિધ શો-રૂમમાં પણ લોકો દિવાળી અન્વયે નાની મોટી સોના-ચાંદીની જ્વેલરીની ખરીદી કરતા તથા લગ્નસરાની સિઝનને લઈ વેડિંગ કલેક્શનની ખરીદી કરતા જોવા મળી રહ્યા છે.
લગ્નની સિઝન પણ આવી રહી છે ત્યારે વેડિંગ કલેકશનની જ્વેલરી ઉપર વિવિધ પ્રકારની લાઈટ વેઇટ જ્વેલરી બનાવવા માટે સ્પેશિયલ કોરોનાકાળમાં વતનમાં પાછા ગયેલા બંગાળી કારીગરોને પરત બોલાવવામાં આવી રહ્યા છે એટલું જ નહીં, અત્યાર સુધી મંદીનો સામનો કરી ચૂકેલા જ્વેલરી શો-રૂમ હાલમાં વિવિધ સ્કીમ દ્વારા આકિર્ષત કરે છે.
રોશની જ્વેલર્સના મલિક રોનક બ્રહ્મભટ્ટના જણાવ્યા અનુસાર હાલમાં લેટેસ્ટ સ્ટાઈલમાં એિન્ટક ગોલ્ડ વિથ કુંદન મોતી ફિટિંગવાળી જ્વેલરી વધુ ચાલે છે. યુવાઓ માટે ફેન્સી જ્વેલરી કે જે પહેલાં ઈટાલી, તુર્કી, ચાઈનાથી ઈમ્પોર્ટ થતી તે હવે ઈન્ડિયામાં બને છે. વેડિંગ કલેકશનમાં બિકાનેરી મીણા સાથે મોતીના ફિટંગ સાથેની જ્વેલરી આકર્ષણ કેન્દ્ર છે. રિયલ ડાયમંડની જ્વેલરી વર્ષોથી સદાબહાર છે.