ગુજરાત / અમદાવાદના હાટકેશ્વર બ્રિજને તોડવાનું આખરે મુહૂર્ત નીકળ્યું, આ તારીખથી કામગીરી શરૂ

શહેરના હાટકેશ્વર બ્રિજ બંધ થવાના કારણે આ વિસ્તારોના રહિશો અને વાહનચાલકોને હાલાકી વેઠવાની વારી આવી છે. ત્યારે હવે આ મામલે મનપા ટૂંક સમયમાં કામગીરી શરૂ કરશે. જેમાં બ્રિજને નવેસરથી બનાવવાની કામગીરી કરવામાં આવશે.

હાટકેશ્વર બ્રિજને લઇ મહત્વના સમાચાર પ્રકાશમાં આવ્યા હતા. જેમાં ટૂંક સમયમાં હાટકેશ્વર બ્રિજ તોડીને બનાવવાની પ્રક્રિયા શરૂ કરવામાં આવશે તેમ સ્ટેન્ડિંગ કમિટીના ચેરમેન દેવાંગ દાણી જણાવ્યું હતુ. તથા ટેન્ડર પ્રક્રિયા પૂર્ણ થયા બાદ કામગીરી શરૂ કરવામાં તેમ પણ તેઓએ કહ્યું હતું.

રાજસ્થાનની કંપની

તેઓએ જણાવ્યુ હતુ કે હાટકેશ્વર બ્રિજ બાબતે રાજસ્થાનની કંપની તૈયાર થઈ છે. ત્રણ ટેન્ડર રદ થયા બાદ હવે રાજસ્થાની કોન્ટ્રાકટર આ બ્રિજ બનાવવા માટે કવોલીફાઈ થયો હોવાનું તેઓએ જણાવ્યુ હતું. ઉપરાંત ટેન્ડર પ્રક્રિયા પૂર્ણ થયા બાદ કામગીરી શરૂ કરવામાં આવશે અને 10 દિવસ બાદ હાટકેશ્વર બ્રિજ તોડી ને બનાવવા માટે પ્રક્રિયા કરવામાં આવશે.

વધુ વાંચો : 'મારું છોકરું પેદા કર' એક્ટ્રેસને દીકરી માનીને દુષ્કર્મ આચર્યું, ફિલ્મી ડાયરેક્ટરની કામલીલા

ઉલ્લેખનીય છે કે અજય ઇન્ફ્રા દ્વારા બ્રિજમાં ભ્રષ્ટાચાર કરવામાં આવ્યો હતો. જેનો ભોગ શહેરના લોકો બન્યા છે. ત્યારે હવે ગુજરાતના કોન્ટ્રાકટર બ્રિજ બનાવવા ન મળતા આખરે રાજસ્થાનની કોન્ટ્રાકટર બ્રિજ બનાવશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ