બોલિવુડ એક્ટર ટાઇગર શ્રોફ અને શ્રદ્ઘા કપૂરની ફિલ્મ ‘બાગી 3’ 6 માર્ચે રિલીઝ થઇ છે. ફિલ્મે પહેલા દિવસે 17.50 કરોડ રૂપિયાની કમાણી કરી છે. આ સાથે ‘બાગી 3’ ફિલ્મ 2020માં અત્યાર સુધીમાં રિલીઝ થયેલ ફિલ્મોમાં સૌથી વધુ ઓપનિંગ કલેક્શન કરનાર ફિલ્મ બની ગઈ છે.
ટાઇગર-શ્રદ્ઘાની ‘બાગી 3’ રિલીઝ
પહેલા દિવસે કમાણીના મામલામાં સૌથી આગળ
અજય-સૈફની ફિલ્મ તાન્હાજીને છોડી દીધી પાછળ
આ યાદીમાં બીજા નંબર પર 15.10 કરોડ રૂપિયા સાથેની અજય દેવગણની ફિલ્મ ‘તાન્હાજી’ છે. ટ્રેડ એનાલિસ્ટ તરણ આદર્શે ફિલ્મની કમાણીના આંકડા ટ્વીટ કર્યા હતા.
રિપોર્ટ અનુસાર, ‘બાગી 3’ ની પહેલા દિવસની 30-35 % રહી. આ ફિલ્મનું એડવાન્સ બુકિંગ 5.50 કરોડ રૂપિયાનું હતુ, જે આ વર્ષે સૌથી વધારે છે. ‘બાગી 3’ ફિલ્મની સ્ટારકાસ્ટમાં ટાઇગર શ્રોફની સાથે લીડ રોલમાં શ્રદ્ધા કપૂર, અંકિત લોખંડે અને રિતેશ દેશમુખ પણ સામેલ છે.
A post shared by Tiger Shroff (@tigerjackieshroff) on
આ એક્શન ફિલ્મને કોરિયોગ્રાફરમાંથી ડિરેક્ટર બનેલા અહમદ ખાને ડિરેક્ટ કરી છે. ફિલ્મને સાજીદ નડિયાદવાલા અને ફોક્સ સ્ટાર સ્ટુડિયોઝ સાથે મળીને પ્રોડ્યૂસ કરી છે.