સરથાણા વિસ્તારમાં આવેલા એક જ્વેલર્સની દુકાનમાં આવેલી ત્રણ મહિલાઓ દુકાન માલિકને નજર ચૂકવીને સોનાની ચોરી કરી ફરાર થઈ જાય છે.ચોરીની સમગ્ર ઘટના દુકાનના સીસીટીવી કેમેરામાં કેદ
સુરતના સરથાણા વિસ્તારમાં જ્વેલર્સની દુકાનમાં ચોરી
દુકાનમાં ચોરી કરતી ત્રણ મહિલાઓ સીસીટીવીમાં કેદ
ચોરીની ઘટનાનો વીડિયો સોશિયલ મીડિયામાં વાયરલ
સુરતમાં ચોરીની ઘટના સામે આવી છે સરથાણા વિસ્તારમાં આવેલા એક જ્વેલર્સની દુકાનમાં આવેલી ત્રણ મહિલાઓ દુકાન માલિકને નજર ચૂકવીને સોનાની ચોરી કરી ફરાર થઈ જાય છે. જોકે ચોરીની સમગ્ર ઘટના દુકાનના સીસીટીવી કેમેરામાં કેદ થઈ જાય છે દુકાન માલિકને શંકા જતા સીસીટીવી ચેક કરતાં ઘટનાનો પર્દાફાસ થયો હતો
સુરતના સરથાણા વિસ્તારમાં ચોરી
સીસીટીવીમાં જોઈ શકાય છે કે ત્રણમાંથી વચ્ચે બેઠેલી મહિલા સોનાની ચેન મૂકતી કેમેરામાં કેદ થઈ જાય છે. ચોરીની ઘટના આ દ્રશ્યો લાઇવ કેદ થયા હતા જેનો વીડિયો હાલ સોશિયલ મીડિયામાં વાઇરલ થયો છે. સમગ્ર ઘટનાની જાણ પોલીસને કરતા પોલીસએ ચોરીની આ ઘટના મામલે વધુ તપાસ હાથ ધરી છે.
જ્વેલર્સની દુકાનમાં મહિલાઓનો તરખાટ
સુરતમાં સતત ચોરી અને લૂંટફાટની ઘટનાઓ સામે આવતી હોય છે, ત્યારે ચોરીની વધુ એક ઘટના સામે આવી છે ચોરીની સમગ્ર ઘટનામાં સીસીટીવી જે રીતે વાયરલ થયા છે તેને લઈને લોકોમાં કુતૂહલ સર્જાયું છે. જોકે આ ઘટના સુરતના સરથાણા વિસ્તારમાં આવેલી માણકી જવેલર્સ નામની દુકાનમાં બની હતી જેમાં મહિલાઓ ખરીદી કરવાના બહાને આવી હતી અને એક પછી એક વસ્તુ જોવાનો પ્રયાસ કરી રહી હતી.
દુકાન માલિકને નજર ચૂકવીને કરી ચોરી
જ્યારે દુકાન માલિક આ મહિલાઓને વસ્તુ બતાવામાં રહેતા એક મહિલાએ દુકાનદારની નજર ચૂકવીને ક્યારેય સોનાની ચેન તફડાવી પાકીટમાં મૂકી હતી અને મહિલાઓ થોડી જ મિનિટમાં ત્યાંથી ફરાર થઈ ગઈ હતી. જોકે મહિલાઓ આવ્યા બાદ ઘણો લાંબો સમય દુકાનમાં બેસી કોઈ પણ ખરીદી ન કરતા માલિકને શંકા જતા તેણે દુકાનમાં સી.સી.ટી.વી ચેક કર્યા હતા.
ચોરીની સમગ્ર ઘટના સીસીટીવીમાં કેદ
સીસીટીવીમાં જોઈ શકાય છે કે ત્રણમાંથી એક મહિલા નજર ચૂકવીને ચેનની ચોરી કરી અને પાકીટમાં મુક્તિ સીસીટીવીમાં કેદ થઈ હતી. જોકે ત્યારબાદ દુકાન માલિકે આ મામલે તાત્કાલિક પોલીસ સ્ટેશનમાં સાથે દોડી જઇ આ મામલે ફરિયાદ આપી અને સીસીટીવી આપ્યા હતા. આ ઘટનાના વીડિયો સોશિયલ મીડિયામાં વાઇરલ થયો છે હાલ તો સીસીટીવીને આધારે પોલીલ વધુ તપાસ હાથ ધરી છે.પોલીસે આ મહિલાઓને પકડી પાડવા માટે અલગ અલગ ટીમો બનાવી તપાસનો ધમધમાટ શરૂ કર્યો છે.