મુલાકાત / PM મોદીના ગુજરાત પ્રવાસ વચ્ચે આ ત્રણ મંત્રીઓએ કરી મુલાકાત, પરિવાર પણ થયો સામેલ

• PM મોદી સાથે રાજ્યનામંત્રીઓએ મુલાકાત લીધી 
• મહેસુલ મંત્રી રાજેન્દ્ર ત્રિવેદી, માર્ગ મકાન મંત્રી પુરણેશ મોદીએ કરી મુલાકાત 
• રાજ્ય કક્ષાના શિક્ષણ મંત્રી કીર્તિસિંહ વાઘેલાએ પણ કરી મુલાકાત 

 વડાપ્રધાન સાથે રાજ્યના ત્રણ મંત્રીઓએ કરી મુલાકાત

ગુજરાતમાં વિધાનસભાની ચૂંટણી જેમ-જેમ નજીક આવી રહી છે. તેમ તેમ વિવિધ રાજકીય પાર્ટીના નેતાઓના પ્રવાસો શરૂ થયા છે. ત્યારે આ વિધાનસભાની ચૂંટણી પહેલા ભાજપે વધુ મત મેળવવા માટેની રણનીતિ બનાવવાનું શરૂ કરી દીધું છે. જેના ભાગરૂપે વડાપ્રધાન મોદીએ હવે ગુજરાતના પ્રવાસ વાધારી દીધા છે. આ સાથે ગુજરાત વિધાનસભાની ચૂંટણીને લઈને પણ ચર્ચા કરી રહ્યાં છે. ત્યારે  ગતરોજથી ગુજરાતના પ્રવાસે આવેલા વડાપ્રધાન નરેન્દ્ર મોદીએ રાજભવન ખાતે રાજ્ય સરકારના મંત્રીઓ સાથે મુલાકાત લીધી હતી. 

#Gujarat #gandhinagar

પ્રધાનમંત્રી @narendramodi ગુજરાત મુલાકાતે

રાજભવન ખાતે પ્રધાનમંત્રી રાજ્ય સરકારના મંત્રીઓ સાથે કરી મુલાકાત@trajendrabjp @purneshmodi @kpvaghelabjp મુલાકાત કરી pic.twitter.com/BmFUaumPmC

— Hiren (@hdraval93) April 19, 2022

સરકારની કામગીરી અને રાજ્યની સ્થિત અંગે ચર્ચા કરી હોવાની ચર્ચા 

જેમાં રાજ્યના મહેસુલ  અને કાયદા મંત્રી રાજેન્દ્ર ત્રિવેદી, માર્ગ અને મકાન મંત્રી પુરણેશ મોદી અને રાજ્ય કક્ષાના મંત્રી કીર્તિસિંહ વાધેલા સાથે મુલાકાત લીધી હતી. સૂત્રોના જણાવ્યા અનુસાર PM મોદીએ આ તમામ મંત્રીઓ સાથે મુલાકાત કરીને સરકારની કામગીરી જાણી હોવાનું જાણવા મળી રહ્યું છે. આ ઉપરાંત તેમણે રાજ્યની સ્થિતી અંગે પણ ચર્ચા કરી હોવાનું જાણવા મળ્યું છે. 

પ્રધાનમંત્રી નરેન્દ્ર મોદીના હસ્તે ડેરી પ્લાન્ટ થશે લોકાર્પણ

ઉલ્લેખનીય છે કે, પીએમ મોદી બનાસકાંઠા જિલ્લાના દિયોદર નજીક સણાદર ખાતે 151વીઘામાં નિર્માણ પામેલ બનાસ ડેરી સંકુલ, પોટેટો પ્રોસેસિંગ અને પ્રોડક્ટ યુનિટ તથા દૂધવાણી કોમ્યુનીટી રેડીયો સ્ટેશન (FM 90.4)નું લોકાર્પણ કરશે. કાર્યક્રમના સ્થળેથી વડાપ્રધાનના હસ્તે બનાસ ડેરીના વિવિધ પ્રકલ્પોનું ઇ-લોકાર્પણ અને ઇ-ખાતમૂર્હત કરવામાં આવશે. ઇ-લોકાર્પણમાં બનાસ ડેરીના ચીઝ અને વ્હે પાવડર પ્લાન્ટ વિસ્તૃતીકરણ, પાલનપુર, બનાસ ગોબર ગેસ પ્લાન્ટ અને બાયો સી.એન.જી. સ્ટેશન, દામા (ડીસા) અને ઇ- ખાતમુહૂર્તમાં નવીન ચાર ગોબરગેસ પ્લાન્ટ- ખીમાણા, રતનપુરા (ભીલડી), રાધનપુર અને થાવર (ધાનેરા)નો સમાવેશ થાય છે.  

જામનગરમાં WHOના ગ્લોબલ સેન્ટર ફોર ટ્રેડિશનલ મેડિસીનનું ખાતમુહૂર્ત કરશે.

આ સાથે વડાપ્રધાન નરેન્દ્ર મોદી આજે જામનગરમાં WHOના ગ્લોબલ સેન્ટર ફોર ટ્રેડિશનલ મેડિસીનનું ખાતમુહૂર્ત કરશે. મહત્વનું છે કે, કેન્દ્ર સરકાર અને WHOના સહયોગથી આ કેન્દ્ર ચલાવવામાં આવશે. 35 એકર જમીનમાં 250 મિલિયન ડોલરના ખર્ચે સેન્ટર ઉભુ કરવામાં આવશે. આ સેન્ટર દુનિયાનું પહેલું એવું સેન્ટર હશે કે જેમાં પરંપરાગત ધોરણે આયુર્વેદ દવાઓ બનાવવામાં આવશે. પારંપરિક દવાઓના સંશોધનથી 180 દેશોને લાભ મળશે.વર્ષ 2024 સુધી સેન્ટરનું કામ પૂર્ણ કરવાનું આયોજન છે.