કોવિડના નવા વેરિયન્ટ બાદ ફરી એક વાર મહારાષ્ટ્રમાં કોરોનાની ત્રીજી લહેર તેજ બની રહી છે. આર્થિક રાજધાની મુંબઈમાં કોરોનાના કેસમાં મોટો ઉછાળો આવી રહ્યો છે. મુંબઈમાં 8,063 કેસ નોંધાયા છે. કોરોના મહામારીની સૌથી વધારે માર વેઠનાર મહારાષ્ટ્ર છે અને ફરી એક વાર કોરોનાની ચપેટમાં આવી રહેલું દેખાય છે. દરરોજ કોરોના સંક્રમણના કેસમાં વધારો થઈ રહ્યો છે.
COVID19 | Mumbai reports 8,082 fresh infections, 2 deaths and 622 discharges today; Active cases 37,274 pic.twitter.com/C9xOIFXaxw
દેશમાં દેશમાં કોરોનાની ત્રીજી લહેરનો સ્પસ્ટ સંકેત છે. દિલ્હી અને મુંબઈમાં દૈનિક કેસને ધ્યાનમાં લેવામાં આવે તો ત્રીજી લહેરની સંભાવના નકારી ન શકાય. હવે બધાના મનમાં સવાલ ઘોળાઈ રહ્યો છે કે ભારતમાં ત્રીજી લહેરની જાહેરાત કોણ કરે, પરંતુ એક વાત નિશ્ચિત છે કે બધાના મનમાં સવાલ ઘોળાઈ રહ્યો છે કે ત્રીજી લહેર આવી ચૂકી છે.
મુંબઈમાં ધોરણ 1થી9 અને 11ની સ્કૂલો બંધ
મુંબઈમાં વધી રહેલા કોરોના અને ઓમિક્રોનના કેસને ધ્યાનમાં રાખીને રાજ્ય સરકારે 31 જાન્યુઆરી સુધી ધોરણ 1થી8ની સ્કૂલ બંધ રાખવાનો નિર્ણય લીધો છે.
દિલ્હીમાં કોરોના મહામારી બેકાબુ થતા લોકોમાં દહેશતનો માહોલ
દિલ્હીમાં કોરોના મહામારી બેકાબુ થતા લોકોમાં દહેશતનો માહોલ છે. સોમવારે પહેલી વાર કોરોનાના 4000થી વધારે નવા કેસ આવ્યાં બાદ સંક્રમિત દર્દીઓની સંખ્યા વધીને 14.58 લાખને પાર પહોંચી છે. તેની સાથે ફરી એક વાર પોઝિટિવીટી રેટ વધીને 6.46 ટકા થઈ ગયો છે. કોરોના સંક્રમણને કારણે આજે 1 દર્દીનું મોત થયું છે. સંક્રમણ દર વધતા હવે દિલ્હીમાં લોકડાઉન લગાડવાની ચર્ચાએ જોર પકડ્યું છે. દિલ્હીમાં સતત 10મા દિવસે કોરોનાના કેસમાં મોટો ઉછાળો આવ્યો છે.
દિલ્હીમાં 100માંથી 82 કેસ ઓમિક્રોન વેરિયન્ટના
દિલ્હીના આરોગ્ય પ્રધાન સતૈન્દ્ર જૈને જણાવ્યું હતું કે છેલ્લા 2 દિવસ દરમિયાન દિલ્હી આઇએલબીએસ, એલએનજેપી અને એનસીડીસીની ત્રણ લેબમાંથી 84 ટકા જીનોમ સિક્વન્સિંગ રિપોર્ટ્સ ઓમિક્રોનના હોવાનું જાણવા મળ્યું છે. સાથે જ તેમણે કહ્યું કે ગભરાવાની જરૂર નથી, પરંતુ સાવચેત રહો. ૨ વર્ષનો અનુભવ સૂચવે છે કે માસ્ક પહેરવાથી તે અટકાવી શકાય છે. ટૂંક સમયમાં દિલ્હીની પ્રજા પણ ઓમિકોનને એક સાથે હરાવી દેશે. અત્યાર સુધી પરિસ્થિતિ ખૂબ જ નિયંત્રણમાં છે. ત્યારે સંખ્યા વધી રહી છે, પરંતુ લોકો તેની તુલનામાં ગંભીર રીતે બીમાર થઈ રહ્યા નથી. આરોગ્ય મંત્રીએ કહ્યું કે નિષ્ણાંતોનું કહેવું છે કે જો ઓમિક્રોન જ રહ્યો તો ટૂંક સમયમાં તેમાંથી છૂટકારો મળી શકે છે જેટલા પણ દેશમાં આવ્યો છે, સાઉથ આફ્રિકામાં પણ ઓમિક્રોન ઝડપથી ઉપર ગયો અને પછી ડાઉન થઈ ગયો.